باس پروكۋروردىڭ بۇيرىعىمەن قازاقستان رەسپۋبليكاسى باس پروكۋراتۋراسىنىڭ جانىنداعى قۇقىق قورعاۋ ورگاندارى اكادەمياسىنىڭ رەكتورى بولىپ 3-ءشى سىنىپتى مەملەكەتتىك ادىلەت كەڭەسشىسى مارات يسلامحان ۇلى سەكسەمباەۆ تاعايىندالدى. مارات يسلامحان ۇلى 1979 جىلى دۇنيەگە كەلگەن. ە.ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن.
ەڭبەك جولىن 2000 جىلى قاراعاندى وبلىسىنىڭ پروكۋراتۋراسىنان باستاعان. پروكۋراتۋرا, ادىلەت, قارجى پوليتسياسى ورگاندارىندا باسشىلىق لاۋازىمداردا ۇلكەن جۇمىس تاجىريبەسى بار. قازاقستان رەسپۋبليكاسى پرەزيدەنتى اكىمشىلىگىنىڭ قۇقىق قورعاۋ جۇيەسى ءبولىمى مەڭگەرۋشىسىنىڭ ورىنباسارى, باس پروكۋراتۋرانىڭ قوعامدىق مۇددەلەردى قورعاۋ قىزمەتىنىڭ باستىعى, قاراعاندى وبلىسىنىڭ پروكۋرورى بولىپ قىزمەت اتقارعان. 20
21 جىلدىڭ ماۋسىم ايىنان باستاپ باس پروكۋروردىڭ اپپاراتىن باسقارعان.
باس پروكۋروردىڭ بۇيرىعىمەن باس پروكۋراتۋرادا جاڭادان قۇرىلعان حالىقارالىق-قۇقىقتىق ىنتىماقتاستىق قىزمەتىنىڭ باستىعى لاۋازىمىنا ادىلەت اعا كەڭەسشىسى ارتۋر ەرمەك ۇلى لاستاەۆ تاعايىندالدى. ارتۋر ەرمەك ۇلى 1983 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن «حالىقارالىق قۇقىق» ماماندىعى بويىنشا بىتىرگەن.
قىزمەتىن 2006 جىلى الماتى قالاسى پروكۋراتۋراسىنىڭ بوستاندىق اۋدانى پروكۋرورىنىڭ كومەكشىسى لاۋازىمىنان باستاعان. باس پروكۋراتۋرادا بەس جىلدان استام جۇمىس ىستەگەن, الەۋمەتتىك-ەكونوميكالىق سالاداعى زاڭدىلىقتى قاداعالاۋ دەپارتامەنتىنىڭ ءبولىمىن باسقارعان.
2016 جىلعى قاڭتاردان باستاپ باس پروكۋراتۋرانىڭ وكىلى – بۇۇ جانە جەنەۆاداعى باسقا دا حالىقارالىق ۇيىمدار بولىمشەسى جانىنداعى قازاقستان رەسپۋبليكاسى تۇراقتى وكىلدىگىنىڭ كەڭەسشىسى بولعان.
2018 جىلدىڭ شىلدەسىنەن باستاپ ەۋروپاداعى باس پروكۋراتۋرانىڭ وكىلى - قازاقستاننىڭ شۆەيتسارياداعى ەلشىلىگىنىڭ كەڭەسشىسى بولىپ قىزمەت اتقارعان.
