اكىمنىڭ ايتۋىنشا, قازىر ريددەر جەو-دا جاعداي شيەلەنىسكەن.
«جەو-داعى اقاۋ 5 قاراشا, ساعات 10:41 شاماسىندا باستالدى. قازاندىقتاعى بۇل پروبلەمالارعا قىزمەتكەرلەر اسا ءمان بەرمەگەن. ناتيجەسىندە ساعات 22:00-دە باگەردى سۋ باسقان. قالالىق كوممۋنالدىق كومپانيالار تاراپىنان ەلەۋلى شارالار قابىلداندى, 4:25-تە سۋ باسقان سورعى قۇرعاتىلدى. الداعى 2 كۇندە, 9 قاراشاعا دەيىن بۇكىل ستانتسيا ادەتتەگىدەي جۇمىس ىستەۋى ءۇشىن قالىپقا كەلتىرىلۋى ءتيىس», دەدى وبلىس باسشىسى.
احمەتوۆتىڭ ايتۋىنشا, بۇگىن كەشكە دەيىن جاعداي تۇراقتانۋعا ءتيىس.
«ارينە, ءبارى نەگە بۇلاي بولعانىنا تاڭ قالادى. مۇندا ءبىر عانا جاۋاپ بار: جەو-عا دۇرىس جوندەۋ جۇرگىزىلمەگەن. ءبىز بۇعان كىم جااۋاپتى بولعانىن دا بىلەمىز.بىراق قازىر الدىمىزداعى باستى مىندەت – ستانسانىڭ ارى قاراي جۇمىس ىستەۋىن قامتاماسىز ەتۋ. ءبىز جەو-نى كوممۋنالدىق مەنشىككە قايتارۋ ماسەلەسىن قاراستىرامىز, سودان كەيىن مەنشىك قۇقىعىندا وسى وتە ماڭىزدى ۇيىمنىڭ الدىندا تۇرعان بارلىق مىندەتتەردى ءتيىمدى جانە تەز شەشە باستايمىز», دەدى ول.
ەستەرىڭىزگە سالا كەتەيىك, 5 قاراشادا «ريددەر جەو» اق-دا كۇل شىعارۋ جۇيەسىندەگى سورعى ىستەن شىقتى, ناتيجەسىندە № 1 قازاندىق اگرەگاتىنىڭ قوسالقى جابدىعى اپاتتى تۇردە ءسوندىرىلدى. سالقىنداتقىشتىڭ تەمپەراتۋراسى جوسپارلانعان +70 گرادۋستان +39 گرادۋسقا دەيىن تومەندەگەن ەدى. قازىرگى ۋاقىتتا قالانىڭ 22 مىڭنان استام ابونەنتى جىلۋسىز قالىپ, ريددەردە توتەنشە جاعداي جاريالانعان بولاتىن.
