«ماڭعىستاۋ – بالا تۋ كورسەتكىشى بويىنشا ءبىرىنشى ورىندا تۇرعان ءوڭىر. بۇل – قۋانتارلىق جايت. سوندىقتان, دەموگرافيالىق ءوسىم بولعان جەردە مىندەتتى تۇردە ءتيىستى الەۋمەتتىك ينفراقۇرىلىم دا بولۋى قاجەت. سەبەبى, انا مەن بالا دەنساۋلىعىنىڭ مىقتى بولۋى – ەلدىڭ دامۋ كورسەتكىشتەرىنىڭ ءبىرى», دەدى پرەزيدەنت.
سونداي-اق قاسىم-جومارتكەمەل ۇلى دەنساۋلىق ساقتاۋ جۇيەسى تالاپقا ساي بولۋى كەرەكتىگىن اتاپ ايتتى.
«ساپالى مەديتسينالىق قىزمەت وبلىستىڭ بارلىق تۇرعىندارىنا قولجەتىمدى بولۋعا ءتيىس. بيىل مەنىڭ تاپسىرماممەن مۇنايلى اۋدانىندا ورتالىق اۋرۋحانانىڭ قۇرىلىسى باستالدى. جەدەل جاردەم قىزمەتتەرىن, سانيتارلىق اۆتوكولىكتەردى قاجەتتى قۇرال-جابدىقپەن قامتاماسىز ەتۋ كەرەك. بارلىق اۋدانداردىڭ جەدەل جاردەم بولىمشەلەرى عيماراتقا جارىماي وتىر», دەدى توقاەۆ.
پرەزيدەنت ءوز سوزىندە وبلىس ورتالىعىندا كوپبەيىندى اۋرۋحانا جانە جاڭا جەدەل جاردەم ستانتسياسىن سالۋ ماسەلەسىن قاراستىرۋ قاجەتتىگىن جانە ۇكىمەتكە وسى ماسەلەلەردى پىسىقتاپ, شەشۋ ءۇشىن قارجى ءبولۋدى تاپسىراتىنىن ايتتى.
