5 قاراشا كۇنى, ساعات 20:00-دە «ريددەر جەو» اق-دا كۇل شىعارۋ جۇيەسىندەگى سورعى ىستەن شىعىپ, ناتيجەسىندە №1 قازاندىق بلوگىنىڭ قوسالقى جابدىقتارى اپاتتى جاعدايدا توقتاپ, سالقىنداتقىش سۇيىقتىقتىڭ تەمپەراتۋراسى تومەندەگەن ەدى. وسىعان بايلانىستى قازىر قالانىڭ 22 مىڭنان استام ابونەنتى جىلۋسىز وتىر.
7 قاراشادان باستاپ ريددەر مەكتەپتەرىنىڭ وقۋشىلارى قاشىقتىقتان وقىتۋعا كوشسە, قالانىڭ مەكتەپكە دەيىنگى مەكەمەلەرى دە جۇمىسىن ۋاقىتشا توقتاتادى.
توتەنجە جاعدايعا بايلانىستى شتاب تاۋلىك بويى جۇمىس ىستەيدى. سونداي-اق جىلۋ ورتالىعىنا سوگرينسكايا جانە وسكەمەن جىلۋ ەلەكتر ستانتسيالارى, «وسكەمەن جىلۋ جەلىلەرى» اق, «وەسك» اق (رەك) ماماندارى تارتىلعان.
رەسمي اقپاراتقا سايكەس, قازىرگى ۋاقىتتا كۇل شىعارۋ جۇيەسىندەگى قوزعالتقىش اۋىستىرىلىپ, ىسكە قوسۋ جۇمىستارى جۇرگىزىلۋدە. سونىمەن قاتار, جەو-عا 120 توننا مازۋت جەتكىزىلدى, جانارماي جونەلتۋ جالعاسۋدا.
توتەنشە جاعدايدى جويۋ ءۇشىن «قازتسينك» جشس جەو-عا 20-دان استام جۇمىسشىنى جىبەرىپ, جوندەۋ-قالپىنا كەلتىرۋ جۇمىستارىنا قوسىمشا تەحنيكا ءبولدى. سونداي-اق, وسكەمەننەن جىلۋ قىزمەتكەرلەرىنە كومەككە «ۆوستوكۆزرىۆپروم» جشس-ءنىڭ 20 قىزمەتكەرى كەلدى.
قازىر جاعداي باقىلاۋدا.
