وبلىس اكىمىنىڭ ورىنباسارى جاسۇلان بيسەمبيەۆتىڭ مالىمەتىنشە, ءار دەڭگەيدەگى ءماسليحاتتاردا ايەلدەردىڭ ۇلەسى 27-30, مەملەكەتتىك قىزمەتتە – 80, كۆازيمەملەكەتتىك سەكتوردا – 22, ءبىلىم بەرۋدە – 92, مەديتسينادا 60 پايىزدان استامدى قۇراپ وتىر. ءار بۋىنداعى باسشىلىق لاۋازىمداردىڭ شامامەن 40 پايىزىن ايەلدەر اتقارادى.
ەلىمىزدىڭ ەنەرگەتيكا سالاسىندا ءتۇرلى لاۋازىمدى اتقارىپ وتىرعان ايەلدەر قاتارى از ەمەس. ماسەلەن, نازىك جانداردىڭ ۇلەسى اتىراۋ مۇناي وڭدەۋ زاۋىتى مەن NCOC كومپانياسىندا – 30, «تەڭىزشەۆرويل» جشس-دا 35 پايىزعا جەتكەن.
– قازاقستاندا ايەلدەر قۇقىعىن قورعاۋدا ايتارلىقتاي جەتىستىك بار. قازىر ايەلدەر ەكونوميكانىڭ ءار سالاسىندا, ونىڭ ىشىندە ەنەرگەتيكا سەكتورىندا دا كوشباسشىلىق پوزيتسياعا يە بولىپ وتىر. ءتۇرلى جوبالاردى جۇزەگە اسىرۋعا ايەلدەر نەعۇرلىم كوبىرەك قاتىسسا, سوعۇرلىم وڭ ناتيجە بولادى. كوپتەگەن ەلدە گەندەرلىك تەپە-تەڭدىك ايەلدەر دەنساۋلىعى مەن قۇقىعىن دامىتۋ باعىتىنداعى تاقىرىپ اياسىندا تالقىلانىپ كەلەدى. وسى ماسەلەلەردى تالقىلاۋدان كەيىن ايەلدەرگە ءوز ىسىمەن اينالىسۋ ءۇشىن گرانتتار مەن نەسيەلەر ءبولىندى. الەمنىڭ كوپتەگەن مەملەكەتىندە ايەلدەر ەلدىڭ دامۋىنا بەلسەندى قاتىسا باستادى. ءبىز ايەلدەردىڭ ەنەرگەتيكا سەكتورىنداعى بارلىق جوباعا قاتىسۋىنا مۇمكىندىك بەرۋىمىز كەرەك, – دەيدى نديلەكا ماندەلا.
اتىراۋ وبلىسى
