كەڭەس جۇمىسىنا وڭىرلىك ونكولوگيالىق دەنساۋلىق ساقتاۋ ۇيىمدارىنىڭ باسشىلارى, جەتەكشى ونكولوگتار, قر دسم-ءنىڭ شتاتتان تىس باس ونكولوگى, ۆيتسە-مينيسترلەر جانە مينيسترلىكتىڭ قۇرىلىمدىق ءبولىم باسشىلارى قاتىسقان.
قر دسم-ءنىڭ شتاتتان تىس باس ونكولوگى, اكادەميك, «قازاق ونكولوگيا جانە راديولوگيا عىلىمي-زەرتتەۋ ينستيتۋتى» اق باسقارما توراعاسى د. قايداروۆانىڭ بايانداماسىنا سايكەس 2022 جىلدىڭ 9 ايىندا قازاقستان رەسپۋبليكاسى بويىنشا سىرقاتتانۋشىلىقتىڭ ءوسۋى 4,6%-دى قۇراپ, ونكولوگيالىق اۋرۋلاردان ءولىم-ءجىتىم 8,5%-عا تومەندەگەن.
اۋرۋشاڭدىق قۇرىلىمىندا جەتەكشى ورىندا: ءسۇت بەزى وبىرى, وكپە وبىرى, توق ىشەك وبىرى, اسقازان وبىرى, جاتىر موينى وبىرى. ءولىم-ءجىتىم قۇرىلىمىندا جەتەكشى ورىندا: وكپە وبىرى, اسقازان وبىرى, توق ىشەك وبىرى, ءسۇت بەزى وبىرى, ۇيقى بەزى وبىرى.
سونداي-اق قاتەرلى ىسىكتەردىڭ اۋىرتپالىعىن تومەندەتۋ بويىنشا ونكولوگيالىق كومەكتى دامىتۋدىڭ 2023-2025 جىلدارعا ارنالعان تۇجىرىمداماسى بەس باعىت بويىنشا تالقىلاندى: تاۋەكەل فاكتورلارىنىڭ الدىن الۋ جانە باسقارۋ, جوعارى ءتيىمدى ەرتە دياگنوستيكا, مامانداندىرىلعان ەمدەۋدى دامىتۋ, پاللياتيۆتىك كومەك جانە وڭالتۋ, عىلىم مەن كادرلىق الەۋەتتى دامىتۋ.
تۇجىرىمداما پروفيلاكتيكانى جەتىلدىرۋگە, راديولوگيالىق جانە زەرتحانالىق-دياگنوستيكالىق جابدىقتاردى جاڭعىرتۋعا, تسيفرلىق مامموگرافتار, ساۋلەلىك اپپاراتتار مەن بەينەەندوسكوپتار پاركىن جاڭارتۋعا, از ءينۆازيۆتى حيرۋرگيانىڭ زاماناۋي اپپاراتتارىمەن جانە وپەراتسيالىق-رەانيماتسيالىق جابدىقتارمەن جاراقتاندىرۋعا, ىسىككە قارسى پرەپاراتتاردىڭ سپەكترىن كەڭەيتۋگە, جوعارى مامانداندىرىلعان كادرلاردى دايارلاۋعا, سونداي-اق جۇمىس ىستەپ تۇرعان ورتالىقتاردى سالۋ جانە رەكونسترۋكتسيالاۋ ماسەلەلەرىنە باعىتتالعان.
ۇيلەستىرۋ كەڭەسىنىڭ قورىتىندىسى بويىنشا مينيستر ەرتە كەزەڭدەردە قاتەرلى ىسىكتەردى انىقتاۋدى كۇشەيتۋ, وڭىرلەردەگى احۋالدىق ورتالىقتاردىڭ «جاسىل ءدالىز» مونيتورينگى بويىنشا جۇمىسى جونىندە بىرقاتار تاپسىرما بەردى.
سونداي-اق قاراشا ايىنىڭ سوڭىنا دەيىن حالىققا ونكولوگيالىق كومەكتى جەتىلدىرۋدىڭ 2023-2025 جىلدارعا ارنالعان كەشەندى جوسپارىن ازىرلەۋ تاپسىرىلدى.
