قازىرگى ۋاقىتتا ساۋدا-ساتتىق سالاسى ەلىمىزدەگى جالپى ىشكى ءونىم قۇرىلىمىندا (18,3%), جۇمىسپەن قامتىلعان ادامدار (1,45 ميلليون) مەن بيزنەس سۋبەكتىلەرىنىڭ سانى (551 مىڭ ادام) جونىنەن ءبىرىنشى ورىندا تۇر. سونىمەن قاتار سالا ءبىر سۋبەكتىگە شاققانداعى پايدا مولشەرى جانە نەگىزگى كاپيتالعا سالىنعان ينۆەستيتسيالار دەڭگەيى بويىنشا ارتتا كەلەدى.
ۇسىنىلعان تاسىلدەر ىشكى نارىقتى قورعاۋعا, ءوز ءوندىرىسىمىزدى قولداۋعا جانە تاۋار وتكىزەتىن جاڭا نارىقتار اشۋعا باعىتتالعان. بۇدان بولەك, ەلەكتروندى كوممەرتسيانى دامىتۋ, ترانسشەكارالىق جانە ءىرى ساۋدا-لوگيستيكالىق حابتاردى سالۋ كوزدەلىپ وتىر.
كەزدەسۋ بارىسىندا ەلىمىزدىڭ ينتەگراتسيالىق وداقتارداعى قىزمەتى مەن ەركىن ساۋدا ايماقتارىن قۇرۋ ماسەلەلەرى قاراستىرىلدى. سەرىك جۇمانعارين قازاقستان دەلەگاتسياسىنىڭ يرانعا ساپارى كەزىندە قول جەتكىزىلگەن ۋاعدالاستىقتار تۋرالى ەسەپ بەردى.
مەملەكەت باسشىسى ساۋدا-ساتتىقتىڭ جاڭا فورماتتارىن ەنگىزۋ جۇمىستارىن كۇشەيتۋ جونىندە تاپسىرما بەردى. سونداي-اق حالىقارالىق نارىقتارداعى ۇلتتىق ەكونوميكالىق مۇددەنى بەلسەندى تۇردە قورعاۋ قاجەتتىگىن اتاپ ءوتتى.
