«سوڭعى 3 ايدا الماتى وبلىسىنا ەكىنشى رەت جۇمىس ساپارىمەن كەلدىم. ءوڭىر حالقى الدىندا ەسەپ بەرۋ كەزدەسۋىن وتكىزدىم. سونداي-اق ءبىلىم بەرۋ ۇيىمدارىن ارالاپ, «جايلى مەكتەپ» ۇلتتىق جوباسىن جۇزەگە اسىرۋعا قانداي دايىندىق جۇمىستارى جۇرگىزىلىپ جاتقانىن كوردىم. قوناەۆ قالاسىنىڭ مادەنيەت ۇيىنە ەكى جۇزدەن استام ادام جينالدى. تۇرعىندارعا مينيسترلىكتىڭ اتقارىپ جاتقان جۇمىستارى, جاڭاشىلدىقتار جانە تۋىنداعان وزەكتى ماسەلەلەردى شەشۋ شارالارى تۋرالى ايتىپ بەردىم», دەپ جازدى ول.
سونداي-اق «جاس مامان» جوباسىن جالعاستىرۋ, مۇعالىمدەرگە تسيفرلى قۇزىرەتتىلىك كۋرستارىن, ينكليۋزيۆتى ءبىلىم بەرۋدى دامىتۋ بويىنشا كۋرستار ۇيىمداستىرۋ جونىندە بىرقاتار سۇراقتار قويىلعانىن ايتتى.
جيىندا ايتىلعان ۇسىنىستاردى مينيسترلىك قاراپ, تۇيتكىلدى ماسەلەلەر باقىلاۋعا الىناتىنىن جەتكىزدى.
«كەيىن جاڭا مەكتەپتىڭ قۇرىلىسىمەن جانە «جايلى مەكتەپ» جوباسىن جۇزەگە اسىرۋ جۇمىستارىمەن, جەر تەلىمدەرىن ءبولۋ, ينجەنەرلىك ينفراقۇرىلىمداردى ورناتۋ جانە ت.ب. جۇمىستارمەن تانىستىم. مەكتەپ سالۋ كەزىندە كاسىبي كادرلاردى ىرىكتەۋ جانە قۇرىلىستى باقىلاۋ ماڭىزدى. ءبىز ەرەجەلەرگە جاڭا نورما ەنگىزىپ جاتىرمىز», دەدى وقۋ-اعارتۋ ءمينيسترى.
سونداي-اق 2023-2024 جىلدارى «جايلى مەكتەپ» جوباسى اياسىندا الماتىدا ەكى اۋىسىمدا وقيتىن 120 مىڭ وقۋشىعا ارنالعان 54 مەكتەپ سالۋ جوسپارلانعانىن جەتكىزدى.
