ول جيىن بارىسىندا ءوزىنىڭ سايلاۋالدى باعدارلاماسىن تانىستىرىپ, الەۋمەتتىك سالا, ايەلدىڭ قوعامداعى ءرولى مەن كوپبالالى ايەلدەردىڭ جاعدايى تۋرالى ءسوز قوزعادى. ء«بىر قولىمەن بەسىك, ەكىنشى قولىمەن الەمدى تەربەتكەن كوپبالالى انالار قوعامعا, جاستارعا ۇلگى بولۋى كەرەك. كوپبالالى انا بولۋ – ناعىز ەرلىك. بۇگىنگى كەزدەسۋگە كەلگەن اقتوبەلىك ايەلدەر قاۋىمى سونىڭ جارقىن ۇلگىسى. ولاردىڭ بەلسەندىلىك تانىتىپ جۇرگەنى قۋانتادى. ەل يگىلىگى ءۇشىن ايەلدەردىڭ كوشباسشىلىق قاسيەتتەرىن دۇرىس باعىتتا دامىتۋ, ەجەلدەن قالىپتاسقان ۇلتتىق قۇندىلىقتاردى ساقتاۋ ماڭىزدى», دەدى قاراقات ابدەن.
جيىنعا قاتىسقان ايەلدەر قاۋىمى بالا تاربيەسىندەگى ءتىل ماسەلەسىنىڭ وزەكتىلىگىن دە اتاپ ءوتتى. «ايەل وتباسىندا دا, ىسكەرلىك باعىتتا دا جەتىستىككە جەتۋ ءۇشىن جان-جاقتى بولىپ, ىزدەنۋ, ءوزىن دامىتۋ كەرەك ەكەندىگىن ءتۇسىندىم. قاراقات ابدەن بىزگە ۇلكەن موتيۆاتسيا بەردى», دەدى اقتوبە قالاسىنىڭ ىسكەر ايەلدەر كەڭەسىنىڭ جاستار قاناتى توراعاسى مايرا ساۋىرباەۆا.
قاراقات ابدەن بۇعان دەيىن اقمولا وبلىسى, قاراعاندى, استانا, ەكىباستۇز, سەمەي, پاۆلودار, تالعار, ەسىك قالالارىنىڭ تۇرعىندارىمەن كەزدەسكەنىن اتاپ وتكەن ءجون.
