قازاقستان, رەسەي جانە بەلارۋس ەلدەرىندە ورتاق ازاماتتىق بولمايدى

استانا. 27 مامىر. قازاقستان, رەسەي جانە بەلارۋس ەلدەرى اراسىنداعى ەۋرازيالىق وداق تازا ەكونوميكالىق سيپاتتا ورنىعادى. بۇل تۋرالى قازاقستان سىرتقى ىستەر مينيسترلىگى باسشىسىنىڭ ورىنباسارى سامات ورداباەۆتىڭ سوزىنە سىلتەمە جاساعان ربك حابارلادى. «ءبىز كەلىسىمشارتتىڭ ساياساتتانۋىنان باس تارتتىق, دەمە, وداقتىڭ دىڭگەگى تازا ەكونوميكالىق سيپاتتا بولادى. قازاقستان جاعىنىڭ تاباندى پوزيتسياسىنىڭ ارقاسىندا كەلىسىمشارتتان جالپى ازاماتتىق, سىرتقى ساياسات, پارلامەنتارالىق ىنتىماقتاستىق, پاسپورت-ۆيزا سالاسى, جالپى شەكارا كۇزەتى, ەكسپورتتى باقىلاۋ سەكىلدى ماسەلەلەر الىنىپ تاستالدى», - دەپ مالىمدەدى قازاقستان سىرتقى ىستەر مينيسترلىگىنىڭ وكىلى. «وداق قۇرۋ وعان قاتىسۋشى ەلدەردى قازىرگىدەن دە جوعارى ينتەگراتسيالىق دەڭگەيگە كوتەرەدى. ءۇش مەملەكەت تاۋارلاردىڭ, قىزمەت تۇرلەرىنىڭ, كاپيتال مەن جۇمىس كۇشتەرىنىڭ ەركىن قوزعالۋىنا, ەكونوميكانىڭ جەتەكشى سالالارى – ەنەرگەتيكادا, ونەركاسىپتە, اۋىل شارۋاشىلىعىندا, كولىك جۇيەسىندە ءوزارا ۇيلەسكەن ساياسات جۇرگىزۋگە كەپىلدىك مىندەتتەمەسىن قابىلدايدى», - دەلىنگەن رەسەي پرەزيدەنتى اكىمشىلىگىنىڭ حابارلاماسىندا. كرەملدەگىلەر وداقتىڭ قۇرىلۋى ەندى 170 ملن. ادامدىق ءىرى ورتاق رىنوك اۋماعىنىڭ «ەكونوميكالىق دامۋدىڭ جاڭا قۋاتتى ورتالىعىنا» اينالاتىنىن ايتىپ وتىر. سونداي-اق استانادا وتەتىن كەزدەسۋدە ەۋرازيالىق ەكونوميكالىق وداق شەڭبەرىنىڭ اياسى كەڭەيە ءتۇسۋى, وعان ارمەنيانىڭ كىرۋى, ال كەيىنگى بولاشاقتا قىرعىزستاننىڭ دا قوسىلۋى مۇمكىن ەكەنى كۇتىلۋدە. مۇرات ايتقوجا. دەرەككوز: ربك. فوتو: www.vestifinance.ru.