ەلىمىزدەن بەلارۋس جەرىنە جىل سايىن 2-3 ملرد. كۆت ساعات ەلەكتر ەنەرگياسى جەتكىزىلمەك

استانا. 27 مامىر. قازىرگى كەزدە ەلىمىزدەن بەلارۋس مەملەكەتىنە جىل سىيىن 2-3 ملرد. كۆت ەلەكتر قۋاتىن جەتكىزۋگە بايلانىستى كەلىسسوزدەر جۇرگىزىلۋدە. بۇل تۋرالى egemen.kz ءتىلشىسى حابارلادى. ەۋرازيالىق ينتەگراتسيا شەڭبەرىندەگى كەلىسىمدەر نەگىزىندە ەكىباستۇز ماەس-1 (مەملەكەتتىك اۋداندىق ەلەكتر ستانساسى), اقسۋ ماەس كومپانيالارى بەلارۋستىق ارىپتەستەرىمەن ورتاق مامىلەگە كەلۋدى كوزدەپ وتىر. مامانداردىڭ ايتۋىنشا, قازىر KEGOC اكتسيونەرلىك قوعامى رەسەيلىك سەرىكتەستەرمەن بىرلەسە وسى ەلەكتر ەنەرگياسىن ترانزيتتەۋ ماسەلەلەرىن قاراستىرۋ ۇستىندە. جالپى, ەۋرازيالىق ەكونوميكالىق وداقتىڭ قۇرىلۋى ەلىمىزدەن رەسەيگە ەلەكتر قۋاتىن جەتكىزۋدى كوبەيتىپ قانا قويماي, بەلارۋس ەلىنىڭ نارىقتارىنا شىعۋعا وڭتايلى جاعداي تۋعىزىپ بەرەدى. وسى ورايدا ايتا كەتەر ءجايت, قازاقستان, رەسەي, بەلارۋس ەلدەرى 2016 جىلى بىرىڭعاي ەلەكتر ەنەرگياسى نارىعىن قۇرۋعا قاتىستى ارنايى باعدارلاما قابىلدايدى. سونىمەن بىرگە, 2015 جىلدىڭ شىلدەسىندە وسى ماسەلەگە قاتىستى تۇجىرىمدا ازىرلەنەدى. جولدىباي بازار. دەرەككوز: egemen.kz فوتو: blogspot.com.