سايلاۋ ۋچاسكەلەرى جەرگىلىكتى ۋاقىت بويىنشا ساعات 20:00-گە دەيىن جۇمىس ىستەيدى. 14 پارتيانىڭ كانديداتتارى زاڭ شىعارۋشى اسسامبلەياداعى ورىنعا تالاسۋدا. پارلامەنتتە ورىن الۋ ءۇشىن ولار 2 پايىزدىق مەجەنى ەڭسەرۋى كەرەك.
جەرگىلىكتى باق-تىڭ حابارلاۋىنشا, دانياداعى سايلاۋ الدىنداعى ناۋقان ەڭ الدىمەن جوعارى ينفلياتسيامەن جانە ەنەرگيا باعاسىنىڭ كۇرت كوتەرىلۋىمەن كۇرەسۋگە باعىتتالعان.
ۇكىمەت باسشىسى لاۋازىمىنا ۇمىتكەرلەر اراسىندا COVID-19 پاندەمياسى كەزىندە دانيانى باسقارعان جانە رەسەيدىڭ ۋكرايناعا باسىپ كىرۋىنەن كەيىن دانيانىڭ قورعانىس شىعىندارىن ۇلعايتۋ ءۇشىن وپپوزيتسيامەن بىرىككەن مەتتە فرەدەريكسەن بار.
بۇل سايلاۋدا 44 جاستاعى م.فرەدەريكسەن ءداستۇرلى ساياسي بلوكتاردان شىعاتىن ۇكىمەت قۇرۋدى كوزدەپ وتىر.
ەنەرگەتيكالىق داعدارىس پەن باسقا دا ىشكى پروبلەمالاردى ەسكەرە وتىرىپ, ول كەڭ ساياسي سپەكتورداعى پارتيالارمەن ىنتىماقتاسۋ قاجەت دەپ سانايدى.
