2021 جىلعى دەرەك بويىنشا ايەلدەردىڭ ورتاشا ايلىق جالاقىسى 220 160 تەڭگە, ال ەرلەردە – 281 239 تەڭگە بولعان. ايىرماشىلىق ورتا ەسەپپەن 61 079 تەڭگە, ال پايىزدىق ماندە ول – 21,7%.
ۇلتىق ستاتيستيكا بيۋروسى حابارلاعان اقپارات بويىنشا:
2021 جىلى 15 جاستان اسقان جۇمىس كۇشىنىڭ سانى 9,3 ملن ادامدى قۇراعان, ول حالىق سانىنىڭ 69,3%.
6,7 ملن ادام – جالدامالى جۇمىسكەرلەر, بۇل جۇمىسپەن قامتىلعانداردىڭ 76,2%.
2,1 ملن – ءوز بەتىنشە جۇمىسپەن قامتىلعاندار, پايىزدىق ماندە ول – 23,8%.
ەكونوميكانىڭ ءارتۇرلى سالالارىنداعى ەرلەر مەن ايەلدەردىڭ بولىنىسىنە كەلسەك, جالدامالى جۇمىس ىستەيتىن ەر ادامدار: قۇرىلىس (77,2%), ونەركاسىپ (68,9%), اۋىل شارۋاشىلىعى, ورمان جانە بالىق شارۋاشىلىعى (57,8%), كولىك جانە قويما (77,4%) سالالارىندا جۇمىسپەن قامتىلعان.
ال ايەلدەر: اۋىل شارۋاشىلىعى سەكتورىندا - 42,2%, ونەركاسىپتە - 31,1% جانە قۇرىلىستا - 22,8% قىزمەت ەتەدى. ال باسىم كورسەتكىشتەر, ساۋدادا - 57,1%, ورنالاستىرۋ جانە تاماقتانۋ قىزمەتتەرىن ۇسىنۋ - 65,4%, ءبىلىم بەرۋ سالاسىندا - 72,9%, دەنساۋلىق ساقتاۋ جانە حالىققا الەۋمەتتىك قىزمەت كورسەتۋ سالاسىندا - 73% قامتىلعان.
7,4 ملن جۇمىسپەن قامتىلعان حالىقتىڭ 83,5%-ىندا جوعارى جانە ورتا كاسىپتىك (ارنايى) ءبىلىمى بار. ايەلدەر نەعۇرلىم بىلىكتى جۇمىس كۇشى سانالادى, 41,4% ايەلدىڭ ءبىلىم دەڭگەيى جوعارى.
2021 جىلدىڭ قورىتىندىسى بويىنشا جۇمىسسىزدار سانى 449,6 مىڭ ادامدى قۇراعان, ولاردىڭ 55,1% ايەلدەر. جۇمىسسىزدىق دەڭگەيى 4,9% دەڭگەيىندە قالىپتاستى, ال ايەلدەر جۇمىسسىزدىعى (5,5%) ەرلەر اراسىنداعى جۇمىسسىزدىقتان (4,2%) اسىپ تۇسكەن.
