وتىرىسقا بىرقاتار جوبالار شىعارىلادى

قاسىم-جومارت توقاەۆتىڭ توراعالىق ەتۋىمەن وتكەن پارلامەنت سەناتى بيۋروسىنىڭ وتىرىسىندا پالاتانىڭ 30 مامىردا بولاتىن كەزەكتى جالپى وتىرىسىنىڭ كۇن ءتارتىبى قارالدى, دەپ حابارلادى سەناتتىڭ ءباسپاسوز قىزمەتى. پرەزيدەنتتىڭ ۇسىنۋىنا سايكەس, سەناتورلار قازاقستان رەسپۋب­ليكاسى جوعارعى سو­تىنىڭ سۋديالارىن قىزمەتتەن بوساتۋ جانە سايلاۋ تۋرالى ماسەلەلەردى قارايدى. بيۋ­رو كونستيتۋتسيالىق زاڭ­ناما, سوت جۇيەسى جانە قۇ­قىق قورعاۋ ورگاندارى كومي­تەتىنە مەملەكەت باسشىسى ۇسىنعان كانديداتتاردى تال­قىلاۋدى جانە ولار بويىنشا قورىتىندى ازىرلەۋدى تاپ­سىردى. سەنات وتىرىسىنا قىل­مىستىق, قىلمىستىق-پرو­تسەستىك جانە قىلمىستىق اتقارۋ كودەكستەرىنىڭ جوبالارى ءبىرىنشى وقىلىمدا قاراۋعا شىعارىلادى. سونىمەن قاتار, بىرقاتار زاڭنامالىق اك­تى­لەرگە قىلمىستىق زاڭنامانى جەتىلدىرۋ ماسەلەلەرى بويىن­شا تۇزەتۋلەر جانە كەيبىر كونس­تي­تۋتسيالىق زاڭدارعا قىل­مىستىق-پروتسەستىك زاڭ­نامانى جەتىلدىرۋ ماسەلەلەرى بويىنشا تۇزەتۋلەر جوباسى قارالاتىن بولادى. ودان باسقا, جوعارعى پالاتانىڭ وتىرىسىنا بىرقاتار زاڭنا­مالىق اكتىلەرگە ەتيل ءسپيرتى مەن الكوگول ءونىمىنىڭ ءوندى­رىلۋىن جانە اينالىمىن مەم­لەكەتتىك رەتتەۋ ءما­سە­لەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوبالارى ءبىرىنشى وقىلىمعا شىعارىلاتىن بولدى. بيۋرو وتىرىسىندا ءتيىستى كوميتەتتەرگە ماجىلىستەن تۇسكەن زاڭ جوبالارى ءبولىنىپ بەرىلدى.