قاراعاندى وبلىسىنىڭ كاسىپكەرلەرىمەن اڭگىمەلەسۋ كەزىندە شتاب مۇشەلەرى كانديداتتىڭ سايلاۋالدى باعدارلاماسىندا كورىنىس تاپقان ۇلتتىق ەكونوميكانى دامىتۋ جانە جەكە بيزنەستى ىنتالاندىرۋ جونىندەگى باسىمدىقتاردى تالقىلادى.
رەسپۋبليكالىق قوعامدىق شتابتىڭ باسشىسى ەرلان قوشانوۆ قۇرامىنا بەلگىلى قوعام قايراتكەرلەرى, پارلامەنت ءماجىلىسىنىڭ دەپۋتاتتارى, ساراپشىلار, جۋرناليستەر كىرەتىن رقش مۇشەلەرى وڭىرلەردە كانديداتتىڭ سايلاۋالدى باعدارلاماسىنىڭ نەگىزگى ەرەجەلەرىن ءتۇسىندىرىپ, ءىس-شارالاردى بەلسەندى وتكىزىپ جاتقانىن اتاپ ءوتتى. ۇگىت-ناسيحات ناۋقانىنىڭ العاشقى كۇندەرى ەل اۋماعىندا 5 مىڭنان استام ۇگىت-ناسيحات ءىس-شاراسى ۇيىمداستىرىلعان.
ءوز كەزەگىندە رەسپۋبليكالىق قوعامدىق شتابتىڭ مۇشەسى توقتار اۋباكىروۆ 20 قاراشادا ازاماتتارىمىزدى داۋىس بەرۋگە شاقىردى. «بۇل تاڭداۋ ەلىمىزدىڭ الداعى جەتى جىلداعى دامۋ باعىتىن ايقىندايدى. بارشا قازاقستاندىقتاردىڭ ازاماتتىق بەلسەندىلىك تانىتىپ, سايلاۋ ۋچاسكەلەرىنە كەلگەنى ماڭىزدى», دەدى ول.
سونداي-اق شتاب مۇشەلەرى ە.بوكەتوۆ اتىنداعى قاراعاندى ۋنيۆەرسيتەتىنىڭ ستۋدەنتتەرى جانە وقىتۋشى-پروفەسسورلار قۇرامىمەن كەزدەسىپ, قاسىم-جومارت توقاەۆتىڭ جاستارعا جانە ءبىلىم بەرۋگە قاتىستى ساياساتىنا باسا نازار اۋداردى.
