قازىر ماۋسىمدىق اۋرۋلار كەزەڭى ءجۇرىپ جاتىر. 29 قىركۇيەكتەن باستالعان جرۆي مەن تۇماۋدىڭ اعىمداعى ەپيدەميالىق ماۋسىمىندا استانا قالاسىنىڭ تۇرعىندارى اراسىندا جرۆي-مەن 7 مىڭعا جۋىق ادام اۋىرعانى, ونىڭ 4 مىڭنان استامى 14 جاسقا دەيىنگى بالالار ەكەنى انىقتالعان.
تۇماۋ كەزىندە بالالار, قارت ادامدار, سونداي-اق جۇرەك پەن وكپەنىڭ سوزىلمالى اۋرۋلارىنا شالدىققان ادامدار ۇلكەن قاتەردە بولادى. تۇماۋ, اسىرەسە, جوعارى قاۋىپ توبىنداعى ادامدار سىرقاتىنىڭ اسقىنۋىنا, ءتىپتى ومىرىنە قاۋىپ توندىرۋىنە اسەر ەتەتىنىن ۇمىتپاۋىمىز كەرەك», دەدى ب.قايكەنوۆ.
ونىڭ ايتۋىنشا, ەلوردادا جۇكتى ايەلدەر اراسىندا وسى اي بويىنشا جرۆي مەن تۇماۋدىڭ 542 جاعدايى تىركەلگەن. تاۋلىگىنە 18 ءوتىنىش كەلىپ تۇسسە, ونىڭ 3-ەۋى اۋرۋحاناعا جاتقىزىلعان. 15 جۇكتى ايەل امبۋلاتوريالىق باقىلاۋدا.
«قازىرگى ۋاقىتتا استانادا جرۆي-مەن سىرقاتتانۋشىلىق ءوستى. ءبىز ونى اۋرۋحاناعا جاتقىزىلعان جۇكتى ايەلدەر مەن بالالاردىڭ سانىنان بايقاپ وتىرمىز. ەگەر قىركۇيەك ايىنىڭ سوڭىندا اۋرۋحاناعا كۇنىنە 3-4 ايەل تۇسسە, قازىر ورتاشا اۋىر جاعدايى بار 14-تەن 16-عا دەيىن جۇكتى ايەل اۋرۋحاناعا جاتقىزىلادى. تىنىس الۋ جەتكىلىكسىزدىگى مەن پنەۆمونيانىڭ بەلگىلەرى بايقالمايدى. بارلىق پاتسيەنت COVID-19 تەستىن تاپسىردى, ولاردىڭ اراسىندا ىندەت جۇقتىرعاندار جوق», دەپ اتاپ ءوتتى باسقارما باسشىسىنىڭ ورىنباسارى.
