وڭ ۇمتىلىس قاشاندا قولداۋعا لايىق

2014 جىلعى 25 مامىرداعى ۋكراينا پرەزيدەنتىن مەرزىمىنەن بۇرىن سايلاۋ ناتيجەسىنە قاتىستى قازاقستان رەسپۋبليكاسىنىڭ سىرتقى ىستەر مينيسترلىگى مالىمدەمە جاسادى, دەپ حابارلادى وسى ۆەدومستۆونىڭ ءباسپاسوز قىزمەتى. قازاقستاندا ەقىۇ جانە باسقا دا حالىقارالىق ۇيىم­دار تاراپىنان باقىلاۋ مەن ەل ازاماتتارىنىڭ ەركىن ءبىل­دى­رۋىن قامتاماسىز ەتكەن ۋكراينا پرەزيدەنتى سايلاۋىن وتكىزۋدى قۇپتايدى. بۇل داۋىس بەرۋ ۋكرايناداعى احۋالدىڭ تۇراقتانۋى جولىندا ماڭىزدى قادام بولادى دەپ ەسەپتەيدى. قازاقستان وسى وتكەن سايلاۋ جالعاسىپ جاتقان كونس­تيتۋتسيالىق رەفورمالار, ۋكرايناداعى بەي­بىتشىلىك پەن كەلىسىمدى نىعايتۋ شەڭبەرىندە جالپىۇلتتىق ديا­لوگتىڭ دامۋىنا مۇمكىندىك بەرە­تىنىنە جانە ەلدىڭ بارلىق سايا­سي كۇشتەرى مەن وڭىرلەرىنىڭ ءمۇد­­­دە­لەرىن ەسەپكە الاتىنىنا سەنەدى. ءبىز ۋكراينا حالقىنىڭ تاڭ­داۋىنا قۇرمەتپەن قارايمىز جانە ساياسي تۇراقتىلىقتى, قوعام بىرلەستىگىن, ۋكراينانىڭ ودان ءارى ەكونوميكالىق جانە دەمو­كرا­تيالىق دامۋىن نى­عاي­تۋعا با­عىتتالعان الەمدىك قوعامداستىق ۇمتى­لىسىن دايەكتى تۇردە قولداپ وتىرامىز, دەلىنگەن مالىمدەمەدە.