بۇل وتىرىس پرەزيدەنتتىڭ قازاقستان حالقىنا «ادىلەتتى مەملەكەت. ءبىرتۇتاس ۇلت. بەرەكەلى قوعام» جولداۋىن جۇزەگە اسىرۋ اياسىندا ۇيىمداستىرىلدى. سەناتورلار ساپار بارىسىندا وڭىردەگى ءبىلىم, دەنساۋلىق ساقتاۋ جانە ەڭبەكتى دامىتۋ ماسەلەلەرىن تالقىلادى.
«كوميتەتتىڭ تۇركىستان وبلىسىنا بارۋ ساپارىنىڭ ماقساتى – ايماقتا بولۋ جانە وسى سالالارداعى وزەكتى ماسەلەلەرمەن تانىسۋ. جالپى, كەزدەسۋلەردىڭ ءبارى پايدالى بولدى. ولاردىڭ ناتيجەلەرى مەن قورىتىندىلارى الداعى ۋاقىتتا ءتيىستى زاڭ جوبالارىن قاراۋ كەزىندە جانە كوميتەت جۇمىسى بارىسىندا پايدالانىلاتىن بولادى», دەدى كوميتەت توراعاسى ناريمان تورەعاليەۆ.
سەناتورلار ساپار اياسىندا «وتىرار» مەملەكەتتىك ارحەولوگيالىق مۋزەي-قورىعىندا بولىپ, مەكەمەنىڭ عىلىمي-اعارتۋشىلىق قىزمەتىنىڭ جۇزەگە اسىرىلۋ بارىسىمەن تانىستى جانە مۋزەي ۇجىمىمەن اڭگىمەلەستى.
پارلامەنتشىلەر وقۋشىلار سارايىندا دا بولىپ, وقۋشىلارمەن كەزدەستى. دەپۋتاتتار جيىنعا قاتىسۋشىلارعا سەناتتىڭ زاڭ شىعارۋ قىزمەتى تۋرالى ايتىپ بەردى جانە ەلىمىزدەگى ءبىلىم سالاسىن دامىتۋدىڭ ماڭىزى تۋرالى جان-جاقتى اڭگىمەلەدى.
سەناتورلار, سونىمەن قاتار وبلىس جانە قالا ءماسليحاتتارىنىڭ دەپۋتاتتارىمەن, سونداي-اق جەرگىلىكتى اتقارۋشى ورگاندار وكىلدەرىمەن كەزدەستى.
