كانديدات جينالعان قاۋىمدى سايلاۋالدى باعدارلاماسىمەن تانىستىردى. ءوز سوزىندە نۇرلان اۋەسباەۆ مەملەكەت الدىندا تۇرعان باستى ماسەلە – جەمقورلىقپەن كۇرەس ەكەنىن اتاپ ءوتتى. ۇمىتكەردىڭ پىكىرىنشە, ول ءۇشىن, ەڭ الدىمەن ساياسي رەفورمالاردى جۇزەگە اسىرۋ كەرەك جانە ءماجىلىستىڭ ءرولىن كۇشەيتۋ كەرەك.
اقمولداعى باستى ماسەلەلەردىڭ ءبىرى – دامىعان الەۋمەتتىك ينفراقۇرىلىمنىڭ جوقتىعى. اتاپ ايتقاندا, اۋىل مەكتەبىندە وقۋشىلارعا ورىن تاپشى. اقمولداعى بالا سانى ەسكى مەكتەپتەگى ورىن سانىنان الدەقايدا كوپ. سونىمەن قاتار تۇرعىندار بالاباقشا سالۋدى سۇرايدى. بۇل رەتتە نۇرلان اۋەسباەۆ ءوزىنىڭ سايلاۋالدى باعدارلاماسىندا الەۋمەتتىك ساياساتقا ەرەكشە كوڭىل بولىنگەنىن اتاپ ءوتتى.
ۇمىتكەر ءبىلىم بەرۋ سالاسى مەملەكەت تاراپىنان ايرىقشا نازاردى تالاپ ەتەتىنىن ايتتى. مەديتسينا جانە ءبىلىم بەرۋ سالالارىنا ءجىو-دەن جىلىنا ەڭ كەمى 5-7%-دى ءبولۋدى ۇسىندى. جالپىۇلتتىق سوتسيال-دەموكراتيالىق پارتيا وكىلى مۇنداي شارا دارىگەرلەر مەن مۇعالىمدەر ەڭبەكاقىسىنىڭ بانك قىزمەتكەرلەرى دەڭگەيىنە دەيىن كوتەرۋگە مۇمكىندىك بەرەتىندىگىن ايتتى. «مۇنىڭ ماڭىزى زور, سەبەبى, اتالمىش ماماندار ادامي كاپيتالدىڭ ساپاسىنا جاۋاپ بەرەدى, ال بۇل ءوز كەزەگىندە وتاندىق ەكونوميكانى دامىتۋ ءۇشىن نەگىزگى تالاپ بولىپ سانالادى». دەدى ول.
