كوپبالالى وتباسىلاردىڭ ماسەلەلەرى بارىنە بەلگىلى: قيىن قارجىلىق جاعداي, باسپانا ماسەلەسى, بالالاردى وقىتۋدى ۇيىمداستىرۋ, قارىز جۇكتەمەسى. كوپبالالى انالار كانديداتتان وسى جانە وزگە دە پروبلەمالاردى شەشۋ جولدارىن قاراستىرۋدى ءوتىندى.
سالتانات تۇرسىنبەكوۆا ءوزىنىڭ نەلىكتەن قوعامدىق جۇمىستارىمەن بەلسەندى تۇردە اينالىسىپ جۇرگەنىن ءتۇسىندىردى. «مەن مەملەكەتتىك ورگانداردىڭ قالاي جۇمىس ىستەيتىنىن, قاي تۇستارى اقساپ تۇراتىنىن جاقسى بىلەمىن. 5 جىلدان بەرى اۋىلداردى, داعدارىس ورتالىقتارىن, وتباسىلاردى قولداۋ ءۇشىن قۇرىلعان مەكەمەلەردى, قارتتار ۇيلەرىن, بالالار ۇيلەرىن, باس بوستاندىعىنان ايىرىلعان ايەلدەرگە ارنالعان تۇرمەلەردى ارالاپ ءجۇرمىن. مەن ءبىزدىڭ ايەلدەردىڭ جاسوسپىرىمدەردەن باستاپ, قارتتارىنا دەيىن نە تولعاندىراتىنىن جاقسى بىلەمىن. ولاردىڭ قالاي ءومىر ءسۇرىپ جاتقانىن كورگەن سايىن ارقايسىسى ءۇشىن جانىم اۋىرادى. ال مەن جاعدايدى, قازىرگى ستاتۋس-كۆونى وزگەرتكىم كەلەدى. مەن ءۇشىن قوعامىمىزدىڭ ەڭ وسال توپتارىنا – كوپبالالى انالارعا, تولىق ەمەس وتباسىنداعى اتا-انالارعا, مۇگەدەكتەرگە, ەرەكشە قاجەتتىلىكتەرى بار بالالاردىڭ انالارىنا جانە باسقا دا قولداۋدى قاجەت ەتەتىن ازاماتتارعا كومەكتەسەتىن رەفورمالاردى جاساعىم كەلەدى», دەدى س.تۇرسىنبەكوۆا.
