ءىس-شارانىڭ نەگىزگى ماقساتى – ەكى ەل اراسىنداعى گۋمانيتارلىق بايلانىستاردى نىعايتۋ. اتالعان ءىس-شارادان بولەك, Astana Media Week 2022 مەديا اپتالىعىنا قاتىسۋ باقىتى بۇيىردى. اقپاراتتىق تەحنولوگيا دامىعان زاماندا مۇنداي اۋقىمدى ءىس-شارانى وتكىزۋ – ۋاقىت تالابى. جەرگىلىكتى جۋرناليستەرمەن قاتار, شەتەلدىك بىلىكتى مامانداردىڭ باسىن قوسقان مەديا اپتالىق وتاندىق جۋرناليستيكانىڭ دامۋىنا سەرپىن بەرەتىنىنە سەنىم مول. قىرعىز حالقى قازاقستاندا بولىپ جاتقان وقيعالارعا قۇلاق ءتۇرىپ جۇرەدى. بۇل رەتتە, جالعان اقپاراتتار تاراتىلماي, ساپالى ونىمدەردىڭ ۇسىنىلۋى ماڭىزدى. قوس ەل اراسىندا ءار سالاداعى بايلانىس نىعايا تۇسەدى دەگەن سەنىمدەمىن.
التىنبەك ماقسۇتوۆ,
قىرعىز رەسپۋبليكاسى مادەنيەت, اقپارات, سپورت جانە جاستار ساياساتى ءمينيسترى
