مينيستر جارىسقا قاتىسۋشىلاردى قۇتتىقتاپ, تۇركى مەملەكەتتەرى ۇيىمدارىنىڭ ەلدەرى اراسىنداعى ىنتىماقتاستىق جاڭا دەڭگەيگە كوتەرىلەتىنىنە سەنىم ءبىلدىرىپ, مينيسترلىك ارقاشان ۇلتتىق سپورتتى دامىتۋدى قولدايتىنىن اتاپ ءوتتى.
«سپورت پەن مادەنيەت - ادامداردى بىرىكتىرەتىن ورتاق الاڭ. قازاق كۇرەسى - تۇركى حالىقتارىنا جاقىن سپورت ءتۇرى. Turan Barysy ءتۋرنيرى بولاشاقتا سپورت اۋەسقويلارىن قىزىقتىراتىن ۇلكەن جوبا بولاتىنىنا سەنىمدىمىن», دەدى داۋرەن اباەۆ.
سپورتشىلار جەتى سالماق دارەجەسىندە ونەر كورسەتتى: 55-كە دەيىن, 60-قا دەيىن, 66-عا دەيىن, 74-كە دەيىن, 82-گە دەيىن, 90-عا دەيىن جانە 90 كگ-نان استام.
جەرەبە بويىنشا ءبىرىنشى توپتا كىلەمدە ۆەنگريا, ازەربايجان جانە وزبەكستان بالۋاندارى, ەكىنشى توپتا – قىرعىزستان, تۇركيا جانە قازاقستان بالۋاندارى كەزدەستى.
تۋرنير ۇلتتىق سپورت ءتۇرىن دامىتۋ جانە قولداۋ ماقساتىندا وتكىزىلەدى. سونىمەن قاتار Turan Barysy مىندەتى - جاستاردى سپورتقا تارتۋ جانە ۇلتتىق داستۇرلەردى ساقتاۋ.
