سەناتورلار ەلىمىزدەگى قولايلى ينۆەستيتسيالىق احۋالدى دامىتۋعا جانە ەكسپورتقا باعدارلانعان جوبالاردى ىسكە اسىرۋ ءۇشىن وتاندىق جانە شەتەلدىك ينۆەستيتسيا تارتۋعا باعىتتالعان «اقتاۋ تەڭىز پورتى» اەا-دا بولدى. دەپۋتاتتارعا ەكونوميكالىق ايماقتىڭ جالپى اۋماعى 9 سۋبايماقتان تۇراتىنى جانە اۋدانى 2 140 گەكتاردى قۇرايتىنى تۋرالى اقپارات بەرىلدى.
پارلامەنتشىلەر جول بيتۋمىن ءوندىرۋ جونىندەگى كاسىپورىننىڭ جۇمىسىمەن تانىسىپ, «قۇرىق پورتى» مەن «اقتاۋ تەڭىز ساۋدا پورتىن» ارالادى.
ء«بىزدىڭ كەلۋىمىزدىڭ ماقساتى – ارنايى ەكونوميكالىق ايماق قىزمەتىمەن تانىسۋ, قۇرىلىستىڭ اياقتالماۋى جانە ينفراقۇرىلىمدى جۇرگىزۋ, وڭدەۋ ونەركاسىبىنە جەكە ينۆەستيتسيالاردى تارتۋ دەڭگەيى بويىنشا ماسەلەلەردى تالقىلاۋ, سونداي-اق ارنايى ەكونوميكالىق اۋماقتارىندا قولدانىستاعى جانە ىسكە اسىرىلىپ جاتقان جوبالاردى قاراستىرۋ», دەدى كوميتەت توراعاسى سەرىكباي ترۇموۆ.
دەپۋتاتتار كوميتەت مۇشەلەرىنىڭ وڭىرلەرگە ساپارىنىڭ قورىتىندىسى بويىنشا «ارنايى ەكونوميكالىق ايماقتاردىڭ ناقتى جاي-كۇيى جانە جۇمىس ىستەۋىنىڭ الداعى پەرسپەكتيۆالارى» تاقىرىبىندا كەڭەيتىلگەن دوڭگەلەك ۇستەل وتكىزىلەتىنىن ايتتى. وندا وسى ساپاردا كوتەرىلگەن بارلىق پروبلەمالىق ماسەلەلەر تالقىلانباق.
