ءاليحان سمايىلوۆتىڭ ايتۋىنشا, تاريفتىك ساياساتتى رەفورمالاۋ ءۇشىن تابيعي مونوپوليالار سالاسىن رەتتەۋدىڭ جاڭا تۇجىرىمداماسى –«ينۆەستيتسيالارعا ايىرباستاۋ ءتاريفى» ۇسىنىلادى, ول بويىنشا كەلەسى مىندەتتەردى ىسكە اسىرۋ كوزدەلگەن:
- ەلەكترمەن جابدىقتاۋ جەلىلەرىنىڭ, سۋ قۇبىرى جەلىلەرىنىڭ جىلۋ كوممۋنيكاتسيالارىنىڭ توزۋ كورسەتكىشىن كەزەڭ-كەزەڭمەن ورتاشا ەسەپپەن 15%- عا تومەندەتۋ;
- كاسىپورىنداردا يننوۆاتسيالىق شەشىمدەردى ەنگىزۋ جانە جابدىقتاردى جاڭعىرتۋ ءۇشىن پارمەندى ىنتالاندىرۋدى ەنگىزۋ;
- كروسس-سۋبسيديالاۋدان كەزەڭ-كەزەڭىمەن باس تارتۋ;
- ءمونوپوليستتىڭ يەلىگىندە تابىستىڭ بەلگىلى ءبىر ۇلەسىن ساقتاۋ.
«الدىن الا دەرەكتەر بويىنشا, جەلىلەردىڭ توزۋ دەڭگەيىن 15% تومەندەتۋ كورسەتكىشىنە 2030 جىلعا دەيىن قول جەتكىزۋ جوسپارلانۋدا. ءتيىستى ەسەپتەۋلەر بويىنشا جوعارىدا اتالعان ماقساتقا جەتۋ ءۇشىن جىلىنا 400 ملرد تەڭگە ينۆەستيتسيا تارتۋ قاجەت بولادى. سالالار بويىنشا جەلىلەردىڭ ورتاشا توزۋ دەڭگەيى كەلەسىدەي: ەلەكترمەن جابدىقتاۋ: 65% - دان (2022 جىل) 50% - عا دەيىن (2030 جىلعا قاراي); جىلۋمەن جابدىقتاۋ: 57% - دان (2022 جىل) 42% - عا دەيىن (2030 جىلعا قاراي); سۋمەن جابدىقتاۋ: 53% - دان (2022 جىل) 38% - عا دەيىن (2030 جىلعا قاراي); سۋ بۇرۋ: 63% - دان (2022 جىل) 48% - عا دەيىن (2030 جىلعا قاراي); گازبەن جابدىقتاۋ: 35% - دان (2022 جىل) 19% - عا دەيىن (2030 جىلعا قاراي)», دەپ تولىقتىردى ۇكىمەت باسشىسى.
