ورتالىق زارداپ شەككەندەرگە الەۋمەتتىك-پسيحولوگيالىق جانە قۇقىقتىق جاردەم كورسەتەدى. سالتانات تۇرسىنبەكوۆا ءوز سوزىندە قازىرگى جاعدايعا قاراماستان, كەز كەلگەن قازاق ايەلىنىڭ ءبىلىم الۋعا, دەنساۋلىققا, مانساپقا, ۇرىپ-سوعۋسىز, قورلاۋسىز قالىپتى ءومىر سۇرۋگە قۇقىعى بار ەكەنىن ايتتى. «ايەلدەردىڭ جىلاعانىن قالامايمىن. ولاردىڭ قينالماۋى ءۇشىن بارىمدى سالامىن. بۇل ءۇي ءسىزدىڭ ۋاقىتشا پاناڭىز, ەرىكسىز وسىندا كەلۋگە ءماجبۇر بولدىڭىز. ويتكەنى ءسىز ءومىر مەن ءولىمنىڭ ءبىرىن تاڭداپ, بالالارىڭىزدى قۇتقارۋىڭىز كەرەك ەدى. ءسىز ءوزىڭىزدى قاجەتسىز سەزىنبەۋىڭىز كەرەك. ءسىز مىقتىسىز!», دەپ ورتالىقتاعى نازىك جاندارعا قولداۋ كورسەتتى.
كانديدات قازاق قوعامىندا ايەلدەرگە دەگەن كوزقاراستى تۇبەگەيلى وزگەرتۋ كەرەك دەپ ەسەپتەيدى. ول ءوزىنىڭ سايلاۋالدى باعدارلاماسىندا 1-2 توپتاعى مۇگەدەكتەر مەن مۇگەدەك بالالاردى باعىپ وتىرعان ازاماتتاردىڭ زەينەتكەرلىك جاسىن 58-گە دەيىن قىسقارتۋدى, ەڭ تومەنگى جالاقى مەن ەڭ تومەنگى كۇنكورىس دەڭگەيىن (زەينەتاقى جيناقتارى, جاردەماقىلار جانە شاكىرتاقى) ارتتىرۋدى ەنگىزگەنىن ايتتى. مۇگەدەكتەردىڭ ءومىر ءسۇرۋ ساپاسىن جاقسارتۋعا باعىتتالعان ءتيىمدى شارالاردى قابىلداۋ دا نازاردان تىس قالمايدى. ايتا كەتۋ كەرەك, سالتانات تۇرسىنبەكوۆا تۇرمىستىق جانە سەكسۋالدىق زورلىق-زومبىلىققا ۇشىراعان ايەلدەردىڭ ماسەلەلەرىمەن جاقسى تانىس. ول بۇعان دەيىن «تۇرمىستىق زورلىق-زومبىلىقسىز قازاقستان» جوباسىنا باستاماشى بولعانىن اتاپ وتكەن ءجون.
