اۋىل سۋرەتشىسىنىڭ گالەرەياسى

قازىر جاسى جەتپىستەن استى. بىراق ءالى دە سۋرەت سالادى. ونىڭ جەكە قورىندا 100-دەن استام كارتينا بار. اۋىلداعى ورتا مەكتەپتە بەينەلەۋ پانىنەن ءدارىس بەرگەن سۋرەتشى ولەڭ دە جازادى. وسى كەزگە دەيىن بەس كىتابى جارىق كوردى.

التى جىل بۇرىن ءوزى تۇ­راتىن اۋىلىندا گالەرەيا­سىن اشىپ، وعان 70-تەن اسا كارتيناسىن قويدى. سۋرەت­شىنىڭ تۋىندىلارى تەك ءوز اۋىلىنا عانا ەمەس، تۇركيا، يتاليا، گەرمانيا سەكىلدى شەتەلدەرگە تا­نى­مال. ال ءوزى كەزىندە ماس­كەۋ­دە وتكەن بۇكىلوداقتىق شى­­عار­ماشىلىق كونكۋرستىڭ لاۋرەاتى اتانعان.

– ەلوردادان الىستاعى ەلدى مەكەندەر ۇلى دالا­مىز­دىڭ ءبىر بولشەگى عوي. مەن­دە الاڭسىز جۇ­مىس ىستەي­تىن جەكە شەبەر­حانا جوق. ۇلى دالامىز الىپ شەبەرحانا سە­كىلدى بولىپ كو­رىنەدى، – دەي­دى ما­حامبەت سىي­لى­عىنىڭ لاۋرەاتى تىلەك حالين.

سۋرەتشىنىڭ ارمانى – قازاقتىڭ اتىن، ءوزى تۇراتىن بودەنە اۋى­لىن الەمگە تانىتۋ. گالەرەياسىن زاڭ­داس­تىرىپ، شاڭ باسقان تۋىندىلارىن جۇرتشىلىققا كەڭىنەن تا­نىس­تىرعىسى كەلەدى.

– ءبىزدىڭ اۋىلدىڭ جانىندا ۇلكەن توعاي بار. سۋرەتشى سول تو­عايدى اينىتپاي بەينەلەگەن كار­­تيناسىن «تالوتكەل» دەپ اتاعان. گالەرەياعا كەلگەن سايىن سول كار­تيناعا قا­راپ، سۋرەتشىنىڭ شەبەر­لىگىنە تامسانامىن، – دەيدى اۋىل تۇر­عىنى روزا ساتاەۆا.

اتىراۋ وبلىسى