«ورتالىق سايلاۋ كوميسسياسى جانىنداعى ساراپتامالىق كەڭەس جۇمىسىن قايتا باستادى. العاشقى كەزدەسۋ 10 قاراشادا وتەدى. ءبىزدىڭ ماقساتىمىز – رەفەرەندۋمنىڭ بارىسىن باقىلاعان ەقىۇ-نىڭ ەسەبىن تالقىلاۋ. بۇل ەسەپتى جاقىن ارادا الامىز», دەدى قر وسك توراعاسى نۇرلان ءابدىروۆ جاس سايلاۋشىلارمەن كەزدەسۋىندە.
سونداي-اق سپيكەر ەقىۇ ميسسياسى پرەزيدەنت سايلاۋىنىڭ بارىسىن باقىلاۋ ءۇشىن ءوزىنىڭ 30 ۇزاق مەرزىمدى باقىلاۋشىسىن جىبەرەتىنىن حابارلادى. سايلاۋدان كەيىن ولار ەلدە ءبىراز ۋاقىت بولادى. سايلاۋعا ساناۋلى كۇندەر قالعاندا ەلىمىزدىڭ بارلىق وڭىرلەرىندەگى سايلاۋدى ءجىتى باقىلاۋ ءۇشىن ەلگە 300 بايقاۋشى كەلەدى.
«ەرتەڭنەن باستاپ قر وسك-نىڭ بارلىق مۇشەلەرى 13 قاراشاعا دەيىن ەلىمىزدىڭ بارلىق 20 ءوڭىرىن ارالايدى. ءبىزدىڭ ماقساتىمىز – قالالاردا قانداي جۇمىستار اتقارىلىپ جاتقانىن كورىپ, ولقىلىقتاردىڭ بارلىعىن تۇزەتىپ, ورنىن تولتىرۋ. قاتەلەسپەسەم, رەسپۋبليكا بويىنشا 10102 سايلاۋ ۋچاسكەسى بار. سايتتار دا اشىلىپ جاتىر, بىراق كەيىن جۇمىسىن توقتاتادى. ەگەر ەلدى مەكەندە سايلاۋشى از بولسا, ۋچاسكەنى جابامىز, سايلاۋشى كوپ بولسا, اشامىز. زاڭعا سايكەس ءبىر سايلاۋ ۋچاسكەسى 3000 سايلاۋشىنىڭ داۋىس بەرۋىنە ارنالعان», دەدى نۇرلان ءابدىروۆ.
ونىڭ ايتۋىنشا, ۋچاسكەلىك سايلاۋ كوميسسيالارىنىڭ بارلىق مۇشەلەرىنىڭ 99 پايىزى, ياعني 10 مىڭنان استام ادام باسقا سالالاردا جۇمىس ىستەيدى. ولار تەك سايلاۋ كەزىندە عانا جۇمىسقا تارتىلادى. ولار وزدەرىنىڭ جالاقىلارىن نەگىزگى جۇمىس ورىندارىندا ساقتايدى, سونىمەن قاتار كوميسسيا مۇشەلەرى رەتىندە سايلاۋعا قاتىسقانى ءۇشىن قوسىمشا قاراجات الادى.
«جالپى كەزەكتەن تىس پرەزيدەنت سايلاۋىن وتكىزۋگە 20,5 ملرد تەڭگە ءبولىندى. الايدا بۇل سومانىڭ 80 پايىزى ۋچاسكەلىك سايلاۋ كوميسسيالارى مۇشەلەرىنىڭ جالاقىسىنا جۇمسالادى», دەپ قوستى ورتالىق سايلاۋ كوميسسياسىنىڭ توراعاسى.
