پانەلدى سەسسيا قوناقتارى رەتىندە «حابار» اق اگەنتتىگىنىڭ ديرەكتورى جاينا سلامبەك, جۋرناليست اسحات سادىرباي, سەنات دەپۋتاتى دانا نۇرجىگىت, ققدي باسقارما توراعاسىنىڭ كەڭەسشىسى الىبەك قيسىباي جانە ت.ب سپيكەرلەر قاتىستى. ال مودەراتورلىق مىندەتتى مولديار ەرگەبەكوۆ جۇرگىزدى.
جۋرناليستيكانىڭ وزەكتى ماسەلەلەرى تالقىلانعان كونفەرەنتسيادا جۋرناليست ەتيكاسى, جاڭا تەحنولوگيانىڭ دامۋىمەن بۇگىنگى كۇننىڭ تالابى, «داتا جۋرناليستيكا» جانە جۋرناليستەرگە ارنالعان زاڭ جوباسى تالقىلاندى.
ماسەلەن, بەلگىلى مەديا مەنەدجەر, رەسپۋبليكالىق «حابار» ارناسىنىڭ ديرەكتورى جاينا سلامبەك مەديا سالاسىنىڭ وزەكتى وزگەرىستەرى جايلى ايتتى.
«داۋىرگە سايكەس جۋرناليستيكا وزگەرگەنىمەن, ءالى دە باستى تالاپ - قۇندىلىقتىڭ بولۋى. باستىسى «مەملەكەت - ادام ءۇشىن» قاعيداسى ساقتالۋى كەرەك. ءجۋرناليستىڭ قۇزىرەتتىلىگى - ارقاشان ادام بولىپ قالۋ, ادامي قۇندىلىقتاردى جوعارى قويۋ», دەدى ول.
ال قازاقستاندىق قوعامدىق دامۋ ينستيتۋتى باسقارما توراعاسىنىڭ كەڭەسشىسى الىبەك قيسىبايدىڭ ايتۋىنشا, داتا جۋرناليستيكانى دامىتۋ كەرەك. بۇل رەتتە تسيفرلارمەن, دەرەكتەرمەن جۇمىس ىستەي الاتىن جۋرناليستەر - قازىرگى كۇننىڭ تالابى.
ء«جۋرناليستىڭ قىزمەتى بۇل اقپاراتتى ۇسىنۋ عانا ەمەس قوي, وڭدەپ وزەگىن بەرۋ. ول ءۇشىن اقپاراتتارمەن جۇمىس ىستەي الۋى كەرەك. داتا جۋرناليستيكا سالاسى - ءارتۇرلى مامانداردىڭ توعىسقان ورتاسى دا بولۋى مۇمكىن: الەۋمەتتانۋشى عالىمدار, ستاتيستەر تاعى باسقالارى قاتىسا الادى. مىنە, قازىرگى ترانسفورماتسيا, بۇل ءبىر جۋرناليستيكا سالاسىنىڭ شەڭبەرىندە ەمەس, جان-جاقتى بولىپ دەرەكتەردى تالداي الۋ», دەدى الىبەك قيسىباي.
سەسسيا سوڭىندا, سەناتور دانا نۇرجىگىت جۋرناليستەردىڭ كاسىبي ەتيكاسى جونىندە ءسوز قوزعادى, اسىرەسە پارلامەنتكە كەلەتىن كەيبىر سالا ماماندارى تالقىلاناتىن زاڭ جوباسى تۋرالى مۇلدە حابارسىز جانە دايىندىقسىز كەلىپ جاتاتىنىن ايتتى.
سونداي-اق ول جاقىن ارادا پارلامەنتتە جۋرناليستەرگە قاتىستى زاڭ جوباسى قابىلداناتىنىن اتاپ ءوتتى. ارىپتەستەرىن سول زاڭ جوباسىن بىرلەسىپ تالقىلاۋعا شاقىردى.
