جەرگىلىكتى تۇرعىن كەلەس اۋدانىنىڭ پوليتسياسىنا ءوتىنىش جازعان. جابىرلەنۋشىنىڭ ايتۋىنشا, قاسكۇنەم ونى مەملەكەتتەن 5 ملن تەڭگە وتەۋسىز سۋبسيديا الۋعا كومەكتەسەتىنىنە سەندىردى. الاياق ءوز قىزمەتى ءۇشىن 300 مىڭ تەڭگە تالاپ ەتكەن. الايدا, ءبىر جىلدان كەيىن ەر ادام ۋادە ەتىلگەن سۋبسيديانى الا الماي, اقشاسىنان دا قاعىلدى.
اتالعان فاكت قر قك-ءنىڭ 190-بابى «الاياقتىق» بويىنشا تىركەلدى. جەدەل-ىزدەستىرۋ ءىس-شارالارىنىڭ ناتيجەسىندە كۇدىكتى ۇستالدى.
انىقتالعانداي, ول ءدال سول سحەمانى قولدانىپ, وبلىستىڭ تاعى بىرنەشە تۇرعىندارىن الداپ ۇلگەرگەن. جابىرلەنۋشىلەرگە كەلتىرىلگەن شىعىن شامامەن 2 ملن تەڭگەنى قۇرادى. ول بۇل اقشانى ءوز قاجەتتىلىكتەرىنە جۇمساعان.
