بالالاردىڭ وتقا دەگەن قىزىعۋشىلىعى ەرەسەكتەرگە ەلىكتەۋدەن باستالاتىنىن ءبارى بىلەدى. بالالار سىرىڭكەمەن وينايدى, وت جاعادى. وكىنىشتىسى سول, مۇنداي ارەكەتتەر پاتەر, باسپالداق, جەرتولە سياقتى تۇتانسا, جالىن تەز جالمايتىن ورىنداردا ءجيى كەزدەسەدى.
بالاعا سىرىڭكەمەن ويناۋعا بولمايتىنىن ايتۋ جەتكىلىكسىز, سەندىرۋ كەرەك. سىرىڭكەلەر مەن وزگە دە تۇتاندىرعىش زاتتاردى, سونداي-اق ءورت تۇرعىسىنان اسا قاۋىپتى بۇيىمداردى بالالاردىڭ قولى جەتپەيتىن جەردە ساقتاۋ جانە مۇمكىندىگىنشە بالالاردى ۇزاق ۋاقىت قاراۋسىز قالدىرماۋ ماڭىزدى. بالانىڭ ورتكە قارسى قىزمەتتىڭ «101» تەلەفون ءنومىرىن ءبىلۋى ارتىق ەتپەيدى.
تاجىريبە كورسەتكەندەي, ءبىلىم بەرۋ مەكەمەلەرىندە جۇرگىزىلىپ جاتقان ءورت قاۋىپسىزدىگى سالاسىنداعى پروفيلاكتيكالىق جۇمىس وتباسىنىڭ قاتىسۋىنسىز بارىنشا ءتيىمدى ناتيجە بەرە المايدى. سوندىقتان ءبىز اتا-انالاردى بالالارىنا مۇقيات بولۋعا شاقىرامىز. مۇمكىن بولاتىن قايعىلى جاعدايدىڭ الدىن الۋ ءۇشىن ءبارىمىز ءورت قاۋىپسىزدىگى ەرەجەلەرىن قاتاڭ ساقتاۋىمىز كەرەك. ءورتتىڭ الدىن الۋمەن اينالىساتىن مەكتەپتىڭ, وتباسىنىڭ جانە مەملەكەتتىك ورتكە قارسى قىزمەت قىزمەتكەرلەرىنىڭ بىرىڭعاي تاسىلىمەن عانا وڭ ناتيجەلەرگە قول جەتكىزۋگە بولادى.
قايرات اسقاروۆ,
استانا قالاسى تجد ەسىل اۋدانى تجب-ءنىڭ اعا ينجەنەرى,
ازاماتتىق قورعاۋ كاپيتانى
