كانديدات ات باسىن بۇرعان «شاڭىراق» كوپبالالى وتباسىلاردى قولداۋ ورتالىعى زاڭگەرلىك, پسيحولوگيالىق جانە الەۋمەتتىك باعىتتا كومەك كورسەتەدى. مۇندا ايەلدەردى جۇمىسقا ورنالاستىرۋ بويىنشا قولداۋ تەتىكتەرى بار. جەكە كاسىپ اشۋ ءۇشىن بيزنەس-جوسپار ازىرلەۋگە جانە تۇرعىن ءۇي باعدارلامالارىنا قاتىسۋعا جاردەمدەسەدى.
كەزدەسۋگە وبلىستىڭ تۇكپىر-تۇكپىرىنەن 100-گە جۋىق كوپبالالى انا كەلدى. تۇرعىندار وتباسى قۇندىلىقتارىنا قاتىستى ماسەلەلەردى كوتەرىپ, رۋحاني, مادەني-الەۋمەتتىك دامۋ توڭىرەگىندە سۇراق قويىپ, ناقتى وتىنىشتەرى مەن ۇسىنىستارىن ايتتى. «كەزدەسۋدە قاراقات ابدەنمەن قوعامداعى وزەكتى ماسەلەلەردى تالقىلادىق. جيىندا كوتەرىلگەن ماڭىزدى سۇراقتاردىڭ بارلىعى قاراقات ابدەننىڭ باعدارلاماسىندا كورىنىس تاپقانى بىزگە ۇنادى. ۇلتتىق قۇندىلىقتاردى ناسيحاتتاپ جۇرگەن وزىمىزدەي انانىڭ پرەزيدەنتتىككە ۇمىتكەر بولىپ, ەل بولاشاعى ءۇشىن ەڭبەك ەتىپ جۇرگەنى ءبىز ءۇشىن ۇلكەن قۋانىش», دەدى كوپبالالى انا ساندۋعاش قۇلماقوۆا.
قاراقات ابدەن ءوزى دە كوپبالالى انا رەتىندە قازاق وتباسىلارىنىڭ ماسەلەلەرىمەن جاقسى تانىس ەكەندىگىن جەتكىزدى. جيىندا كوتەرىلگەن وزەكتى ماسەلەلەردى نازارعا الاتىنىن ايتتى.
