قوعامدىق شتابتىڭ قۇرامىنا 474 ادام ەنگەن. ولاردىڭ قاتارىندا حالىقتىق كواليتسياعا بىرىككەن ۇيىمداردىڭ بەلگىلى ازاماتتارى, عىلىمي-ساراپشىلىق قاۋىمداستىق وكىلدەرى, پارلامەنت دەپۋتاتتارى, جاستار بار. ەلىمىزدىڭ ءار وڭىرىندە 226 شتاب قۇرىلىپ, 6 مىڭنان استام ادام قىزمەت
ەتەدى.
شتاب مۇشەلەرى 200-دەن استام ەلدى مەكەندى ارالاپ شىعۋدى جوسپارلاپ وتىر. وسىلايشا, رەسپۋبليكالىق جانە وڭىرلىك شتابتار 52 مىڭنان استام ءىس-شارا وتكىزبەك. ۇگىت-ناسيحات جۇمىستارىنا حالىقتىق كواليتسيانىڭ 7,5 مىڭ بەلسەندىسى تارتىلعان. سونداي-اق 30 مىڭ سەنىمدى وكىل تىركەلىپ, سايلاۋ كۇنى بارلىق ۋچاسكەدە جۇمىس ىستەۋ ءۇشىن 20 مىڭعا جۋىق باقىلاۋشى دايىندالدى.
رەسپۋبليكالىق جانە وڭىرلىك قوعامدىق شتابتاردىڭ جۇمىسى تۋرالى اقپاراتتى تىڭداعان قاسىم-جومارت توقاەۆ بارلىعىنا سەنىم ارتقانى ءۇشىن العىس ايتىپ, ءوزىنىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» اتتى سايلاۋالدى باعدارلاماسىن تانىستىردى.
