جاڭا كەشەندە حالىقارالىق جارىستار دا وتەدى. ات سپورتى-ساۋىقتىرۋ كەشەنى ەلوردادا بالالار مەن جاسوسپىرىمدەر سپورتىنىڭ دامۋىنا دا ىقپال ەتەدى.
يپپودروم — قالا تۇرعىندارى ءۇشىن بىرەگەي جانە ماڭىزى زور ورتالىق. تولىق قۋاتتا يپپوتەراپيا ورتالىعى 2023 جىلدىڭ كوكتەمىنەن باستاپ جۇمىس ىستەيدى.
بالالار, ونىڭ ىشىندە ەرەكشە بالالار يپپوتەراپيا ساباقتارىنا قاتىسۋعا مۇمكىندىك الدى.
يپپودروم بالالاردىڭ دەنساۋلىعىن نىعايتىپ, پسيحوەموتسيونالدى جاعدايىن جاقسارتاتىن پايدالى ءىس-شارالارعا قول جەتكىزۋگە مۇمكىندىك بەرەدى.
ەلوردادا 7,1 مىڭ مۇگەدەك بالا بار, ولاردىڭ ءبىر مىڭعا جۋىعى دەنساۋلىعى بويىنشا جانە دياگنوزعا سايكەس يپپوتەراپيامەن اينالىسۋى قاجەت. بالالار ۇيرەتىلگەن جىلقىلار ارقىلى ات سپورتىمەن شۇعىلدانا الادى جانە جارىستارعا, ونىڭ ىشىندە ارنايى وليمپيادا اياسىندا قاتىسا الادى.
«استانادا «ارعىماق» ات-ساۋىقتىرۋ كەشەنى سالىندى. بۇل جاڭا كەشەننىڭ نەگىزگى مىندەتى — ەرەكشە بالالارمەن يپپوتەراپيا ساباقتارى. بيىلعى جىل بالالار جىلى دەپ جاريالاندى. بيىل ەلوردامىزدىڭ بالالارىنا سىي رەتىندە وسىنداي ورتالىق اشىلدى. كەشەن حالىقارالىق ستاندارتتارعا تولىقتاي سايكەس كەلەدى جانە كەلەسى جىلدان باستاپ تولىق كۇشىنە ەنەدى. مۇندا دا حالىقارالىق جارىستار وتەدى, بالالار مەن جاسوسپىرىمدەر سپورت مەكتەپتەرىنىڭ بالالارى دا قاتىسادى», دەدى ات سپورتى تۇرلەرىنەن مەملەكەتتىك جاتتىقتىرۋشى امانجول حاسەنوۆ.
«مەن مۇنداي جاعداي مۇمكىندىگى شەكتەۋلى بالالاردا پايدا بولعانىنا قۋانىشتىمىن. يپپوتەراپيا بىزگە كوپ كومەكتەسەدى, انا رەتىندە مۇنداي ورىننىڭ اشىلعانىنا وتە قۋانىشتىمىن», دەپ ەرەكشە بالانىڭ اناسى ايناگۇل قۇدايبەرگەنوۆا قۋانىشىمەن ءبولىستى.
يپپوتەراپيا — ۇيرەتىلگەن اتپەن ءجۇرۋ ارقىلى وڭالتۋ ءادىسى. يپپوتەراپيانىڭ بىرەگەيلىگى بالالاردىڭ پسيحيكاسىنا اسەر ەتۋدىڭ دەنەگە ارنالعان ادىستەرىنىڭ ۇيلەسىمىندە جاتىر. ەمدىك ماقساتتا اتپەن ءجۇرۋ بالانىڭ دەنەسىنە بيوحيميالىق اسەر ەتەدى, ونى نىعايتادى. ول شاباندوزعا بالانىڭ ءجۇرۋ قيمىلىنا ۇقساس موتور يمپۋلستارىن بەرەدى.
جاڭا ات سپورتى كەشەنىنىڭ الاڭىندا رەسپۋبليكالىق جانە حالىقارالىق دەڭگەيدەگى ءتۇرلى تۋرنيرلەر مەن ءىس-شارالار وتكىزىلەتىنىن اتاپ وتەمىز. سونىمەن قاتار, ورتالىق ەلوردادا بالالار مەن جاسوسپىرىمدەر سپورتىنىڭ دامۋىنا ىقپال ەتەتىن بولادى.
