«قارجىلاندىرۋ ەرەجەلەرىن, سونداي-اق ۇگىت-ناسيحات جۇرگىزۋ ەرەجەلەرىن بۇزۋ ايتارلىقتاي كۇردەلى اسپەكتى سانالادى. وندا اكىمشىلىك جانە كونستيتۋتسيالىق قۇقىقتىق جاۋاپكەرشىلىك قاراستىرىلعان. كانديداتتاردىڭ شتابى ەرەجە بۇزسا, كانديتات ورنىنان ءتۇسىپ قالۋى مۇمكىن», دەدى ورتالىق سايلاۋ كوميسسياسىنىڭ توراعاسى كونستانتين پەتروۆ.
وسك مۇشەسى ءسابيلا مۇستافينا سايلاۋدى ۇيىمداستىرۋ مەن وتكىزۋگە كەتەتىن شىعىنداردى قارجىلاندىرۋ ماسەلەسىن ءتۇسىندىردى.
«سايلاۋدى قارجىلاندىرۋ – سايلاۋدى ازىرلەۋ مەن وتكىزۋدى قارجىلىق قامتاماسىز ەتۋگە, سايلاۋالدى ۇگىت-ناسيحات جۇمىستارىن قارجىلاندىرۋعا بايلانىستى سايلاۋ ءىس-شارالارىنىڭ جيىنتىعى. سايلاۋدى ۇيىمداستىرۋ مەن وتكiزۋ جونiندەگi شىعىستاردى قارجىلاندىرۋ قازاقستان رەسپۋبليكاسىنداعى سايلاۋ تۋرالى كونستيتۋتسيالىق زاڭمەن رەتتەلەدi. قولدانىستاعى زاڭناماعا سايكەس سايلاۋدى مەملەكەتتىك قارجىلاندىرۋ جانە مەملەكەتتىك ەمەس قارجىلاندىرۋ نورمالارى قاراستىرىلعان. پرەزيدەنت سايلاۋىن قارجىلاندىرۋ رەسپۋبليكالىق بيۋدجەتتەن جەرگىلىكتى اتقارۋشى ورگانداردىڭ وسى ماقساتتار ءۇشىن اشىلعان شوتتارى ارقىلى جۇزەگە اسىرىلادى. كانديداتتاردىڭ سايلاۋالدى ۇگىت-ناسيحات جۇمىستارىنىڭ شىعىستارى سايلاۋ ناۋقاندارى اياسىندا قارجىلاندىرىلادى», دەدى س.مۇستافينا.
ەسكە سالا كەتەيىك, 21 قازان كۇنى ساعات 18:00-دە قازاقستان پرەزيدەنتتىگىنە كانديداتتاردىڭ سايلاۋالدى ۇگىت جۇمىسى باستالدى. پرەزيدەنتتىككە كانديدات رەتىندە التى ادام تىركەلگەن.
