«ەلىمىزدىڭ بارشا ازاماتتارىن بىرىكتىرىپ, ورتاق ىسكە جۇمىلدىراتىن تاعى ءبىر سيمۆول – مەملەكەتتىك تۋ. ەگەمەن ەلدىڭ اسپانىندا, بىرىككەن ۇلتتار ۇيىمىنىڭ تورىندە جەلبىرەگەن تۋىمىز – ءبارىمىزدىڭ ماقتانىشىمىز. قازاقستاننىڭ كوك بايراعى عارىشقا ساپار شەكتى, ەڭ بيىك شىڭداردا جەلبىرەدى. تۋىمىزعا ارنالعان كەرەمەت اندەر, ولەڭ-جىرلار بار. ءاربىر ازاماتىمىز ولاردى تىڭداعان سايىن ەرەكشە رۋحتانادى», دەدى پرەزيدەنت.
سونداي-اق ول شىنايى وتانسۇيگىشتىك ءاربىر ازاماتىمىزدىڭ بويىندا بار ەكەنىن اتاپ ءوتتى.
«سپورتشىلارىمىز الەمدىك جارىستاردا تۋىمىزدى كوتەرىپ, ءانۇرانىمىزدى شىرقاپ ءجۇر. ولاردىڭ كوك تۋىمىزعا دەگەن ەرەكشە قۇرمەتى بارشا الەمدى ءتانتى ەتۋدە. بۇل – ناعىز وتانشىلدىقتىڭ بەلگىسى. شىنايى وتانسۇيگىشتىك ءاربىر ازاماتىمىزدىڭ بويىندا بار», دەدى ق.توقاەۆ.
