وسىلايشا, ورتالىق سايلاۋ كوميسسياسى قازاقستان رەسپۋبليكاسىنىڭ پرەزيدەنتتىگىنە 6 كانديداتتى تىركەدى. ولار – قاسىم-جومارت توقاەۆ, مەيرام قاجىكەن, جيگۋلي دايراباەۆ, قاراقات ابدەن, سالتانات تۇرسىنبەكوۆا جانە نۇرلان اۋەسباەۆ. ۇمىتكەرلەردىڭ بىرەۋى – مەملەكەتتىك قىزمەتكەر, بىرەۋى – كوممەرتسيالىق قۇرىلىمنىڭ وكىلى, تورتەۋى – ۇكىمەتتىك ەمەس سەكتوردىڭ وكىلى, ونىڭ بىرەۋى ساياسي پارتيانىڭ وكىلى.
وتىرىستا ورتالىق سايلاۋ كوميسسياسىنىڭ مۇشەسى اناستاسيا ششەگورتسوۆا 21 قازان ساعات 18.00-دەن باستاپ سايلاۋ الدىنداعى ۇگىت باستالعانىن حابارلادى. ول 19 قاراشا ساعات 00:00-گە دەيىن جالعاسادى. اتاپ وتىلگەندەي, سايلاۋ الدىنداعى ۇگىت ءۇش جولمەن جۇزەگە اسىرىلادى: 1) بۇقارالىق اقپارات قۇرالدارى ارقىلى; 2) سايلاۋ الدىنداعى جاريا ءىس-شارالاردى وتكىزۋ ارقىلى; 3) باسپا,
اۋديوۆيزۋالدى جانە وزگە دە ۇگىت ماتەريالدارىن شىعارۋ جانە تاراتۋ ارقىلى.
اناستاسيا ششەگورتسوۆا ورتالىق سايلاۋ كوميسسياسى «قازاقستان رەسپۋبليكاسىنداعى سايلاۋ تۋرالى» كونستيتۋتتسيالىق زاڭعا سايكەس پرەزيدەنتتىككە كانديداتتاردىڭ سايلاۋ الدىنداعى پىكىرسايىستارىن ۇيىمداستىرىپ, ولاردى وتكىزۋ ءتارتىبى مەن شارتتارىن بەلگىلەيتىنىن ايتتى. ورتالىق سايلاۋ كوميسسياسىنىڭ قاۋلىسىمەن سايلاۋ الدىنداعى تەلەۆيزيالىق پىكىرسايىستار مەن پىكىرتالاستار وسى جىلعى 11 قاراشادا «حابار» تەلەارناسىنىڭ ەفيرىندە وتەدى دەپ بەكىتىلدى.
ورتالىق سايلاۋ كوميسسياسىنىڭ حاتشىسى مۇحتار ەرمان بۇگىنگى تاڭدا 4 حالىقارالىق ۇيىم مەن 4 شەت مەملەكەتتەن 76 حالىقارالىق بايقاۋشى اككرەديتتەلگەنىن حابارلادى. شەت مەملەكەتتەر مەن حالىقارالىق ۇيىمداردىڭ بايقاۋشىلارىن اككرەديتتەۋ 2022 جىلعى 14 قاراشا ساعات
18:00-گە دەيىن جالعاسادى.
