سايلاۋالدى شتابى ەلىمىزدىڭ استاناسىندا «اڭسار» كاسىپكەرلىك ورتالىعىندا ورنالاسقان. بۇگىنگى كۇنى ۇگىت-ناسيحات جۇمىستارى باستالدى.
«21 قازان كۇنى ساعات 18:00-دە قازاقستان رەسپۋبليكاسىنىڭ پرەزيدەنتتىگىنە كانديدات مەيرام قاجىكەندى قولداۋعا ارنالعان شتاب اشىلدى. پرەزيدەنتتىككە كانديداتتىڭ سايلاۋالدى باعدارلاماسى قابىلدانىپ, ۇگىت-ناسيحات باعدارلاماسى بەكىتىلدى. ۇمىتكەردىڭ ءوزى قازاقستاننىڭ بارلىق ايماقتارىن ارالاۋدى جوسپارلاپ وتىر. كانديداتتىڭ 138 سەنىمدى وكىلى بار. ەلىمىزدىڭ 14 وڭىرىندە شتابتار اشىلدى, قالعان ايماقتاردا ۇيىمداستىرۋ جۇمىستارى جۇرگىزىلۋدە. استانادا جۇمىس ورتالىقتاندىرىلعان تۇردە ۇيلەستىرىلەتىن بولادى», دەدى شتاب باسشىسى ءابىل كەكىلباەۆ.
ايتا كەتەيىك, مەيرام قاجىكەن «امانات» قازاقستان كاسىپوداقتار دوستاستىعى» رەسپۋبليكالىق بىرلەستىگى اتىنان پرەزيدەنتتىككە كانديدات رەتىندە تىركەلدى.
