رەسپۋبليكالىق قوعامدىق شتابتىڭ قۇرامىنا ءۇش پارلامەنتتىك ساياسي پارتيا مەن 22 رەسپۋبليكالىق قوعامدىق ۇيىمنان تۇراتىن حالىق كواليتسياسىنىڭ وكىلدەرى كىردى.
بۇگىندە «حالىق كواليتسياسى» بەلسەندىلەرى ەلىمىزدىڭ بارلىق وڭىرلەرىندە ۇگىت-ناسيحات جۇمىستارىن جۇرگىزىپ, باسپا ونىمدەرىن تاراتۋ جانە بۇقارالىق اقپارات قۇرالدارى مەن الەۋمەتتىك جەلىلەردە اقپاراتتىق ماتەريالداردى ورنالاستىرۋ جۇمىستارىن باستادى.
ايتا كەتەيىك, ەرتەڭ رەسپۋبليكالىق قوعامدىق شتابتىڭ العاشقى وتىرىسى وتەدى.
كانديدات قاسىم-جومارت توقاەۆتى قولداۋ جونىندەگى رەسپۋبليكالىق قوعامدىق شتاب الەۋمەتتىك جەلىلەردە دە پاراقشالار اشتى, وندا شتابتىڭ قىزمەتى, سايلاۋشىلارمەن كەزدەسۋلەرى تۋرالى بارلىق اقپارات جانە باسقا دا ۇگىت ماتەريالدارى ورنالاستىرىلادى.
ەسكە سالا كەتەيىك, بۇگىن قازاقستان رەسپۋبليكاسى پرەزيدەنتتىگىنە كانديداتتاردى تىركەۋ اياقتالدى. ەلىمىزدە قازاقستان پرەزيدەنتتىگىنە ۇمىتكەرلەردىڭ سايلاۋالدى ۇگىت-ناسيحات جۇمىستارى باستالدى.
