«ادىلەتتى قازاقستاندى قۇرۋ دەگەنىمىز – بارشا ازاماتتارعا بىردەي مۇمكىندىك جاساۋ دەگەن ءسوز. ساپالى ءبىلىم جاستاردىڭ بولاشاققا سەنىممەن قادام باسۋىنا جانە ەلىمىزدىڭ دامۋىنا جول اشادى. سوندىقتان, جاس ۇرپاقتىڭ, اسىرەسە, اۋىلدا تۇراتىن بالالاردىڭ جايلى مەكتەپتە الاڭسىز ءبىلىم الۋىنا جاعداي جاساۋ وتە ماڭىزدى. بۇل وڭىردە اپاتتى جاعدايدا تۇرعان جانە ءۇش اۋىسىممەن وقىتاتىن مەكتەپ جوق. بىراق بوساڭسۋعا بولمايدى», دەپ اتاپ ءوتتى مەملەكەت باسشىسى جەتىسۋ وبلىسىنداعى ساپارى بارىسىندا.
پرەزيدەنتتىڭ ايتۋىنشا, قازىر ايماقتا 12 مەكتەپ سالىنىپ جاتىر. سونداي-اق «جايلى مەكتەپ» ۇلتتىق جوباسىمەن الداعى 3 جىلدا تاعى 7 ءبىلىم وشاعىن سالۋ جوسپارلانىپ وتىر.
وسى ورايدا ق.توقاەۆ مەردىگەرلەردىڭ جۇمىسى ساپالى بولۋىن جانە. ولاردىڭ جۇمىسىن قاتاڭ باقىلاۋعا الۋ قاجەتتىگىن اتاپ ءوتتى.
