ەلىمىزدەگى 4 قانت زاۋىتىنىڭ ەكەۋى جەتىسۋدا ورنالاسقان. ونىڭ بىرەۋى – اقسۋ قانت زاۋىتى جۇمىس ىستەمەي تۇر. زاۋىتتى ىسكە قوسۋعا 2017 جىلدان باستاپ وبلىستىق بيۋدجەتتەن 12 ميلليارد تەڭگە جۇمسالدى. الايدا, سەرىكتەس ينۆەستور تاراپىنان سەرپىندى جۇمىس بايقالماي وتىرعانىن جەتكىزدى.
پرەزيدەنت بۇگىندە قانت سالاسىن دامىتۋدىڭ 2026 جىلعا دەيىنگى كەشەندى جوسپارى ازىرلەنگەن. وعان 500 ميلليارد تەڭگەگە جۋىق ينۆەستيتسيا سالۋ كوزدەلىپ وتىرعانىن اتاپ ءوتتى.
مەملەكەت باسشىسىنىڭ ايتۋىنشا, الداعى 5 جىلدا ءوزىمىز وندىرەتىن قانتتىڭ ۇلەسى 7 پايىزدان 43 پايىزعا دەيىن وسەدى دەگەن بولجام بار.
«جەتىسۋ وبلىسىندا قانت قىزىلشاسى ەگىلەتىن اۋماقتى 2,5 ەسە ۇلعايتىپ, 15 مىڭ گەكتارعا جەتكىزۋ جوسپارلانىپ وتىر. بيىلعى قانت تاپشىلىعى ماسەلەسى ءوزىمىزدىڭ شارۋالاردى قولداۋ وتە ماڭىزدى ەكەنىن كورسەتتى. جاردەم شارالارى تەك قازاقستاندىق فەرمەرلەردى قولداۋعا ارنالعان», دەدى ق.توقاەۆ جيىن بارىسىندا.
سونداي-اق, مەملەكەت باسشىسى وتاندىق اگرو سەكتوردى قولداۋ جۇمىستارىن ودان ءارى جالعاستىراتىنىن جەتكىزدى.
