مەملەكەت باسشىسى جەتىسۋ وبلىسىنداعى سۋ جانە گاز ماسەلەسىنە توقتالىپ ءوتتى. سونداي-اق سول ماسەلەنى ۇزاققا سوزباي, شەشۋدى تاپسىردى.
«تاعى ءبىر ماڭىزدى ماسەلە. بۇل – اۋىز سۋدىڭ ساپالى بولۋىن قامتاماسىز ەتۋ. مىسالى, تەكەلىدە جىلدار بويى جالعاسىپ كەلە جاتقان تۇيتكىلدى ءبارىڭىز جاقسى بىلەسىزدەر. قالا تۇرعىندارى تازا اۋىز سۋسىز وتىر. بۇل ماسەلەنى ۇزاققا سوزباي شەشۋ كەرەك. وبلىس جانە قالا اكىمدەرى اتالعان تاپسىرمانىڭ ورىندالۋىنا تىكەلەي جاۋاپتى. ۇكىمەت رەسپۋبليكا بيۋدجەتىنەن الداعى جىلى قارجى ءبولۋ ماسەلەسىن قاراستىرۋعا ءتيىس», دەدى پرەزيدەنت.
قاسىم-جومارت توقاەۆ كەلەسى ماڭىزدى باعىت – ءوڭىردى گازبەن قامتاماسىز ەتۋ ەكەنىن, بۇل شارا حالىقتىڭ جايلى ءومىر سۇرۋىنە, تۇرمىس ساپاسىن جاقسارتۋعا اسەر ەتەتىنىن اتاپ ءوتتى.
«جەتىسۋ حالقىنىڭ 90 پايىزى سۋمەن قامتاماسىز ەتىلگەن. الايدا, سۋ قۇبىرى جەلىلەرىنىڭ ەداۋىر بولىگى (ياعني, 37,5%) ابدەن توزعان. 1,2 مىڭ شاقىرىم قۇبىر جەلىسى كۇردەلى جوندەۋدى قاجەت ەتەدى. سوندىقتان, وڭىردەگى قۇبىر جەلىلەرىن كەزەڭ-كەزەڭىمەن جاڭارتۋ – اكىمدىكتىڭ باستى مىندەتىنىڭ ءبىرى. قۇرىلىس جۇمىستارىن قاتاڭ باقىلاۋدا ۇستاۋ كەرەك», دەدى پرەزيدەنت جەتىسۋ وبلىسىنداعى جۇمىس ساپارى باراسىندا.
