جوبا ارنايى مەملەكەتتىك باعدارلاماسى اياسىندا شىمكەنت قالاسىنىڭ دەنساۋلىق ساقتاۋ ينفراقۇرىلىمىن دامىتۋدىڭ 2026 جىلعا دەيىنگى وڭىرلىك پەرسپەكتيۆالىق جوسپارىنا سايكەس ىسكە اسىرىلۋدا.
قوس نىسان دا جەكە ينۆەستور – «وڭتۇستىك» قارجى ساۋدا-ونەركاسىپتىك كورپوراتسياسى» حولدينگى ەسەبىنەن سالىنادى. وسىناۋ جوبانى ىسكە اسىرۋدىڭ ناتيجەسىندە, قالادا جاڭادان 2,5 مىڭنان استام جۇمىس ورنى پايدا بولادى.
اتالعان ءىس-شارادا العاشقى بولىپ ءسوز العان شاھار باسشىسى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ءوزىنىڭ قازاقستان حالقىنا ارناعان جولداۋىندا دەنساۋلىق سالاسىن دامىتۋعا كوپ باسىمدىق بەرگەنىن اتاپ ءوتتى. «جالپى, ەل ەكونوميكاسى مەن حالىقتىڭ دەنساۋلىعى اراسىندا تىكەلەي بايلانىس بار. سەبەبى دەنى ساۋ ۇلتتىڭ ەكونوميكاسى دا مىقتى بولادى. ەكونوميكالىق دامۋدىڭ الەمدىك تاجىريبەسى كورسەتىپ وتىرعانداي, دەنى ساۋ ۇلت ءتيىمدى ەكونوميكانى قالىپتاستىرادى. ۇلت ساۋلىعى مەن وندىرىستىك رەسۋرس كەز كەلگەن قوعامدىق جۇيەنىڭ باستى بايلىعى بولىپ سانالادى. وسى ورايدا قالامىزدا جاڭا زاماناۋي اۋرۋحانانىڭ سالىنۋى حالىققا مەديتسينالىق كومەكتىڭ ساپاسىن ارتتىرۋعا سەپتىگىن تيگىزەدى. سونىمەن بىرگە توسەكتىك ورىن تاپشىلىعى قىسقارىپ, مەگاپوليس تۇرعىندارىنا جوعارى تەحنولوگيالىق مەديتسينالىق قىزمەتتەر الۋعا زور مۇمكىندىك تۋادى», دەي كەلە قالا اكىمى زاماناۋي ەمدەۋ, دياگنوستيكالىق مەكەمەسىنىڭ قۇرىلىسىنا مۇرىندىق بولعان «وڭتۇستىك» قارجى ساۋدا-ونەركاسىپتىك كورپوراتسياسى» حولدينگىنىڭ, وڭتۇستىك قازاقستان مەديتسينا اكادەمياسىنىڭ ۇجىمىنا جانە س.سەيىتجان ۇلىنا بەلسەندى ازاماتتىق ۇستانىمى مەن شاھاردىڭ دەنساۋلىق ساقتاۋ سالاسىن دامىتۋعا قوسقان ەرەكشە ۇلەسى ءۇشىن ريزاشىلىعىن ءبىلدىردى.
ءوز كەزەگىندە «ساۋتس-ويل» كومپانياسىنىڭ پرەزيدەنتى س.سەيىتجانوۆ مەگاپوليستى كوركەيتۋ, دامىتۋ جولىندا ايانباي ەڭبەك ەتۋگە دايىن ەكەنىن جەتكىزدى.
«شىمشاھاردىڭ گۇلدەنىپ, تۇرلەنۋىنە ءاربىرىمىز ۇلەس قوسقانىمىز ءجون. ويتكەنى شىمكەنت – ءبىزدىڭ ورتاق ءۇيىمىز. ال ۇلت ساۋلىعى قازاقستان بولاشاعى ءۇشىن وتە ماڭىزدى. دەنى ساۋ ۇلت قانا وتانىن وركەندەتە الادى», دەدى ول.
قالا اكىمدىگى تاراپىنان دا بۇل باستاماعا جان-جاقتى قولداۋ كورسەتىلىپ وتىر. قازىرگى تاڭدا «بوزارىق-2» شاعىن اۋدانىنان اۋرۋحانا قۇرىلىسىنا جالپى اۋدانى 150 گەكتار جەر ءبولىنىپ, اتالعان جەر ۋچاسكەسىنە قاجەتتى ينفراقۇرىلىم جۇيەلەرى – ەلەكتر جارىعى, تابيعي گاز, سۋ, كارىز جۇيەسى جانە بايلانىس جەلىسى تارتىلدى. جاۋاپتى مامانداردىڭ ايتۋىنشا, الداعى ۋاقىتتا قۇرىلىس جۇمىستارى بارىسىندا قوس نىسان جول جانە وعان قاجەتتى ءتيىستى ينفراقۇرىلىممەن تولىق قامتاماسىز ەتىلەدى.
شىمكەنت
