بۇل ولكەنىڭ توپىراعى وتە قۇنارلى. اسىرەلەپ ايتقاندا, جەتەك شانشىساڭ, اربا ءوسىپ شىعادى. اۋىل شارۋاشىلىعى قۇرىلىمدارى دا اقىق ءدان ايالاپ, اقتىلى مال ءوسىرىپ, بەرەكەگە كەنەلىپ وتىر. مال سۇمەسىمەن كۇن كورىپ كەلگەن اۋىلداعى اعايىن ءتورت ت ۇلىكتىڭ جايىلىمىنا قاجەتتى جەردىڭ تارلىعىن ايتىپ, سان مارتە قۇلاققاعىس ەتكەن. جالعىز جايىلىم عانا ەمەس, مالدىڭ قىسقى ازىعىن دايارلاۋ ءۇشىن شابىندىق جەر قاجەت. قۇنارلى القاپقا مال ازىعىن ەكسە, ت ۇلىگى كەمىندە التى اي قولعا قارايتىن وڭىردەگى مال شارۋاشىلىعىن دامىتۋعا كەڭ جول اشىلماق.
تۋسىراپ بوس جاتقان جەرلەردى يەلەنگەن سەرىكتەستىكتەر مەن شارۋا قوجالىقتارىنىڭ تيىسىنشە مال باعىپ, ەگىن ەگىپ جاتقاندىعىن مونيتورينگ جۇرگىزۋ ارقىلى انىقتاعان. ناتيجەسىندە, قاداعالاۋ اكتىلەرىمەن قوسا, ءتيىستى شارالار قولدانۋ ءۇشىن اۋدان اكىمىنىڭ نازارىنا جولدانعان. وسىنداي اكتىلەردىڭ ءبىرى بويىنشا جۇرگىزىلگەن ءتۇسىندىرۋ جۇمىستارىنان كەيىن اۋىل تۇرعىندارىنىڭ قاجەتتىلىگىن قاناعاتتاندىرىپ, كومەك كورسەتۋ ماقساتىندا «شورتانباي-2020» جاۋاپكەرشىلىگى شەكتەۋلى سەرىكتەستىگى ەرىكتى تۇردە بۇرىن پايدالانىلماي جاتقان 19 مىڭ گەكتار جەرىن مەملەكەتكە قايتارىپ بەردى.
وتە دۇرىس شەشىم. ايتەۋىر كادەگە اسىرا الماعاننان كەيىن جومارت جەردىڭ يگىلىگىن ەل كورگەنى ءجون ەمەس پە؟! قايتارىلعان اۋىل شارۋاشىلىعى جەرى الداعى ۋاقىتتا قاراپايىم حالىقتىڭ قاجەتتىلىگى ءۇشىن قايتا بولىنەتىندىگىن ەستىپ قۋانىپ قالدىق. تابيعاتى تامىلجىعان بۇل ايماقتا 19 مىڭ گەكتار جەردى يگەرۋ ارقىلى قانشاما حالىقتىڭ الەۋمەتتىك-تۇرمىستىق جاعدايىن جاقسارتۋعا بولادى. وسى ءبىر وڭ مىسالدى ايتا وتىرىپ, وزگە دە نە وزىنە, نە جۇرتقا پايداسى تيمەي جاتقان جەردى باۋىرىنا باسىپ وتىرعانداردىڭ نازارىن اۋدارعىمىز كەلگەنى.
اقمولا وبلىسى,
اتباسار اۋدانى
