ۇكىمەتكە بيىل الەۋمەتتىك ماڭىزى بار ءونىم باعاسىن كوتەرۋ تۋرالى مەموراندۋم جاساۋ ۇسىنىلعان. ياعني قاۋىمداستىق باسشىسى يادىكار يبراگيموۆ كۇنباعىس مايىنىڭ باعاسى شيكىزات قۇنىنا بايلانىستى ەكەنىن ەسكە سالدى.
«دۇكەن سورەلەرىندە بولاشاق باعا بەلگىسىن قالاي كورەتىنىمىز اۋىل شارۋاشىلىعى مينيسترلىگىنىڭ ارەكەتىنە نەمەسە ارەكەتسىزدىگىنە بايلانىستى. بۇل ماسەلەنى جەدەل پىسىقتاعان جاعدايدا, ءبىز مۇناي شيكىزاتىن شىعارعانعا دەيىن كۇنباعىس مايىنىڭ باعاسىن كوتەرۋ تۋرالى مەموراندۋمعا قول قويۋعا دايىنبىز», دەدى يا.يبراگيموۆ.
سونداي-اق ول قاراشا ايىنان باستاپ قازاقستاندا شيكىزات قۇنىنىڭ 20%-ى مولشەرىندە تۇقىم اكەتۋگە ەكسپورتتىق باجدار قولدانىلا باستايتىنىن, مۇددەلى سالالىق قاۋىمداستىقتارعا مايلى داقىلدار ونىمدەرىنىڭ قۇنىن ەسەپتەۋ الگوريتمىن ازىرلەۋگە قاتىسۋ ۇسىنىلىپ, مايلى داقىلداردىڭ رەكوردتىق ءونىمى بار رەسەيدە كۇنباعىس تۇقىمىن اكەتۋ كەزىندە كەمىندە 3 320 مولشەرىندە 50% ەكسپورتتىق باج قولدانىلاتىنىن اتاپ ءوتتى.
«بۇل ءىشىنارا رەسەيدى كۇنباعىس مايىنىڭ ءىرى وندىرۋشىلەرى مەن ەكسپورتتاۋشىلارىنىڭ بىرىنە اينالدىرۋعا مۇمكىندىك بەرەدى. سوندىقتان شەتەلدىك ۆاليۋتاداعى باج سالىعىنىڭ ەڭ تومەنگى مولشەرىن دۇرىس ەسەپتەۋ وتە ماڭىزدى. ايتپەسە, ءبىز ءوزىمىزدىڭ عانا ەمەس, رەسەيلىك كۇنباعىستى دا ساتا باستايمىز. بۇل – وتە قاۋىپتى», دەدى ساراپشى.
مايلى داقىلداردى قايتا وڭدەۋشىلەردىڭ ۇلتتىق قاۋىمداستىعى رەسەي شيكىزاتى ارتا تۇسكەن جاعدايدا, بيىلعى ناۋرىز ايىندا ۇن, نان باعاسىنىڭ وسۋىنە اكەلگەن بيدايدا بولعان جاعدايدى ەسكە الىپ, كورشى ەل ءوز نارىعىن جابۋى مۇمكىن دەپ الاڭدادى.
بۇعان دەيىن, 5 قازاندا ۆەدومستۆوارالىق كوميسسيا شەتەل ۆاليۋتاسىنداعى ەڭ تومەنگى باج سالىعىن ەسەپتەي وتىرىپ, كۇنباعىس تۇقىمدارىنا 20% كولەمىندە ەكسپورتتىق باج سالىعىن ەنگىزۋ ماسەلەسىن قاراۋ تۋرالى شەشىم قابىلداعان بولاتىن. ەسكە سالساق, 30 قىركۇيەكتە كۇنباعىس تۇقىمىن ەكسپورتتاۋعا ارنالعان ەكسپورتتىق كۆوتالاردىڭ قولدانىلۋ مەرزىمى اياقتالدى. سونداي-اق قاۋىمداستىقتا ەگەر ۆاليۋتاداعى باجدىڭ ەڭ تومەنگى سوماسى دۇرىس ەسەپتەلمەسە, بۇل قازاقستاندىق كۇنباعىستىڭ ورتالىق ازيا ەلدەرىندە تاپشىلىق تۋعىزاتىنى حابارلاندى. يا.يبراگيموۆتىڭ ايتۋىنشا, بۇل ءوز كەزەگىندە ەل ىشىندە دايىن ءونىم باعاسىنىڭ وسۋىنە تۇرتكى بولماق.
