وسىمەن 5- ءشى مارتە ۇيىمداستىرىلعان ونلاين جەلىلىك سپارتاكيادا PlayOk پلاتفورماسىندا ءوتتى. جاس ەرەكشەلىكتەرىنە بايلانىستى تومەنگى, ورتا جانە جوعارى توپتارعا بولىنگەن سپورتشىلار 3 كۇن بويى شىن مىقتىنى انىقتاۋ ءۇشىن سىنعا ءتۇستى.
ء«داستۇرلى جارىسقا جىلداعىداي جاقسى دايىندىقپەن باردىق. مەكتەپ وقۋشىلارى اراسىنان مىقتىلار ىرىكتەلىپ, كوماندا جاساقتالدى. كومانداعا تاڭداپ العان شاكىرتتەرىمىزدىڭ ارقايسىسى ءتول ويىندى جاقسى مەڭگەرگەن. تىپتەن ءتۇرلى دەڭگەيدەگى جەتىستىكتەرگە دە جەتكەن. سەنىم اقتالىپ, ورتا جانە جوعارى توپتا جاقسى ناتيجەگە قول جەتكىزە الدىق», دەدى كوماندانىڭ جەتەكشىسى ءارى دەنە شىنىقتىقتىرۋ ءپانىنىڭ مۇعالىمى راۋان تاتتىبەك ۇلى.
سپارتاكيادا قورىتىندىسى بويىنشا 8-سىنىپ وقۋشىلارى ەركەبۇلان دوسان مەن ماليكا اسەمحانوۆا ورتا توپتا ءى ورىنعا يە بولىپ قانا قويماي كوماندالىق ەسەپتە دە الدىڭعى ورىنعا شىقتى. ال 11-سىنىپ وقۋشىسى ايىم اكىمبەرگەنوۆا جوعارى توپتا ءىىى ورىنعا تابان تىرەدى.
اباي وبلىسى
