قر وسك مۇشەسى شاۆكات وتەمىسوۆ حابارلاعانداي, تىركەۋ ءۇشىن ورتالىق سايلاۋ كوميسسياسىنا كانديدات پەن ونىڭ جۇبايىنىڭ اكتيۆتەرى مەن مىندەتتەمەلەرى تۋرالى دەكلاراتسيانى تاپسىرعانى تۋرالى مەملەكەتتىك كىرىس ورگانىنان انىقتاما, سونداي-اق قاراقات ابدەننىڭ پرەزيدەنتتىككە كانديدات رەتىندە تىركەلۋىنە كەدەرگى كەلتىرەتىن اۋرۋلاردىڭ جوقتىعى تۋرالى مەديتسينالىق قورىتىندى ۇسىنىلدى.
«وسك-عا كانديداتتى قولداۋ ءۇشىن جينالعان قولداردى تەكسەرۋ ناتيجەلەرى تۋرالى وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ اۋماقتىق سايلاۋ كوميسسيالارىنىڭ حاتتامالارى ۇسىنىلدى. ەلىمىزدىڭ 15 وڭىرىندە 121 314 قول جينالدى, 120 158 قول تەكسەرىلدى, ونىڭ ىشىندە 118 418 قول سەنىمدى دەپ تانىلدى», دەدى وسك مۇشەسى شاۆكات وتەمىسوۆ.
ايتا كەتسەك, قاراكات ابدەن كاسىبي الەۋمەتتىك قىزمەتكەرلەردىڭ ۇلتتىق اليانسىنان ۇسىنىلدى.
وسك توراعاسى نۇرلان ءابدىروۆ قاراقات ابدەنگە قر پرەزيدەنتتىگىنە كانديدات كۋالىگىن تابىس ەتتى.
ەسكە سالا كەتسەك, قازاقستاندا كەزەكتەن تىس پرەزيدەنت سايلاۋى 20 قاراشاعا بەلگىلەندى.
