«قازىرگى تاڭدا قازاقستانعا رەسەيدەن 50-دەن استام حالىقارالىق كومپانيا قونىس اۋداردى. ولاردىڭ بارلىعىن ءىرى قالالارعا شوعىرلاندىرۋ ءتيىمسىز. اكىمدىك مۇنداي وندىرىستەردى الماتى ماڭىندا ۇااج (باكاد) پەريمەترى بويىنشا ورنالاستىرۋدى پىسىقتاۋى كەرەك, بۇل ءوڭىر ەكونوميكاسىنا ايتارلىقتاي سەپتىگىن تيگىزەدى. بۇل ماسەلەنى ۇكىمەتپەن جانە كومپانيالارمەن تالقىلاۋ كەرەك», دەدى قاسىم-جومارت توقاەۆ.
سونداي-اق مەملەكەت باسشىسى ينۆەستورلارعا, ونىڭ ىشىندە باسقا ەلدەن قونىس اۋدارعاندارعا جاڭا ءوندىرىس ورىندارىن اشۋعا جاعدايدى جاساۋ كەرەكتىگىن ايتتى.
«وبلىستا بىرقاتار ءىرى ەكسپورتتاۋشى كاسىپورىندار جۇمىس ىستەيدى, ولاردان نەگىزگى سالىق تۇسىمدەرى تۇسەدى. ءبىز ولارعا مەملەكەتتىك قولداۋ شارالارىن كورسەتۋ ارقىلى ءوندىرىسىن كەڭەيتۋگە كومەكتەسۋىمىز كەرەك», دەدى ول.
وسى ورايدا پرەزيدەنت ۇلتتىق ەكونوميكا جانە قارجى مينيسترلىكتەرىنە ءبىر اي ىشىندە ۇسىنىستار ەنگىزۋدى بۇيىردى.
