«وبلىستىڭ كولىك-لوگيستيكا الەۋەتىن ارتتىرۋ – باستى باسىمدىقتىڭ ءبىرى. ۇكىمەت اكىمدىكپەن بىرلەسىپ, ءوڭىردىڭ كولىك جەلىسىن جاقسارتۋ ءۇشىن كەشەندى شارالار ازىرلەۋگە ءتيىس. جولاۋشى جانە جۇك تاسىمالىنىڭ مۇمكىندىگىن كەڭەيتۋگە جاعداي جاساۋ كەرەك. اتاپ ايتقاندا, الماتى مەن قوناەۆ قالالارىنىڭ اراسىنداعى اۆتوجولمەن قاتار تەمىرجول جەلىسىن دامىتۋ قاجەت», دەدى پرەزيدەنت.
مەملەكەت باسشىسى ءوز سوزىندە بۇرىن الماتى مەن قوناۆ اراسىندا ەلەكتر پويىزى قاتىناعانىن ەسكە سالىپ, ونى قايتا ىسكە قوسۋ مۇمكىندىگىن قاراستىرۋ قاجەت ەكەنىن ايتتى. پرەزيدەنتتىڭ ايتۋىنشا, بۇل شارا الماتى ماڭىنداعى كولىك كەپتەلىسىن ازايتۋعا ىقپال ەتەدى.
«الماتى وبلىسى الماتى شاھارىنىڭ ىرگەسىندە جانە قىتاي شەكاراسىنا جاقىن ورنالاسقان. مۇندا ايماقارالىق كولىك دالىزدەرىن دامىتۋ اسا ماڭىزدى. كۇرە جولدار جۇك جانە جولاۋشى تاسىمالىنىڭ كولەمىن ارتتىرادى. سونداي-اق ءبىر وبلىستىڭ عانا ەمەس, تۇتاس ەلدىڭ دامۋىنا سەپتىگىن تيگىزەدى», دەپ قوستى قاسىم-جومارت توقاەۆ.
