2009 جىلى تۋعان ەگىزدەردىڭ ەسىمدەرىن ولاردىڭ اجەسى تاڭداعان. ال قاسىم-جومارت ەسىمى 2019 جىلدان كەيىن عانا تانىمال بولا باستاعان.
اجەسىنىڭ ايتۋىنشا, ولار دۇنيەگە كەلگەن كەزدە قاسىم-جومارت توقاەۆ قازاقستاننىڭ بولاشاعى ءۇشىن ماڭىزدى لاۋازىمداردى اتقارعان.
قازىر ۇلدار مامانداندىرىلعان فيزيكا-ماتەماتيكا ليتسەيىنىڭ سەگىزىنشى سىنىبىندا وقيدى. سوڭعى ءۇش جىلدا سىنىپتاستارى مەن دوستارى ەگىزدەردى «پرەزيدەنت» دەپ اتادى ەكەن.
جەرگىلىكتى باق اقپاراتى بويىنشا, مەملەكەت باسشىسى ەگىزدەر تۋرالى جاقىندا عانا بىلگەنىن جازىپ, ولارعا ەلگە ادال قىزمەت ەتەتىن جانە ۇلكەن بيىكتەرگە جەتەتىن ازامات بولۋدى تىلەدى.
«ەلىمىزدىڭ كەلەشەگى - جاستار. سول ءۇشىن العىر, اقىلدى, زەرەك, ءبىلىمدى بولىپ وسىڭدەر. ويتكەنى بۇل - زور جاۋاپكەرشىلىك. بۇگىنگى ءجاسوسپىرىم - ەرتەڭگى ەل يەسى. سەندەر قانشالىقتى ءبىلىمدى, بىلىكتى بولساڭدار, ەلىمىزدىڭ كەلەشەگى سونشالىقىتى كەمەل بولادى», دەلىنگەن پرەزيدەنت حاتىندا.
ايتا كەتسەك, مەملەكەت باسشىسىنىڭ ەسىمىن العان بالاقايلار بولاشاقتا ديپلومات بولۋدى ارماندايتىندارى تۋرالى ايتىلدى.
