جۇرەك تاڭداۋى

فوتوكورمەنىڭ باستى ماقساتى – تۇرعىندار اراسىندا ۆولونتەرلەردىڭ قىزمەتىن ناسيحاتتاۋ.

«توتەنشە جاعداي كەزىندە ۆولونتەرلەر زارداپ شەككەن ازاماتتارعا كومەكتەسۋ ءۇشىن تاۋلىك بويى جۇمىس ىستەدى. جاقىندا قوستاناي وبلىسىندا جۇزدەگەن وتباسى ورتتەن زارداپ شەككەن كەزدە ەرىكتىلەرىمىز ەلىمىزدىڭ بارلىق وڭىرىندە گۋمانيتارلىق كومەك جينادى. اۋليەكول اۋدانىندا 300-دەن استام ۆولونتەر جۇمىس ىستەدى. ولار ازىق-ت ۇلىك پەن ءبىرىنشى كەزەكتە قاجەتتى زاتتاردى تاراتۋعا, قالپىنا كەلتىرۋ جۇمىستارىنا, ۇيىندىلەردى سۇرىپتاۋعا, اۋماقتى تازالاۋعا جۇمىلدىرىلدى. ۆولونتەرلەرىمىز ارداگەرلەر مەن قاريالارعا جۇيەلى تۇردە كومەكتەسەدى. از قامتىلعان وتباسىلاردان شىققان بالالارعا, ەرەكشە قاجەتتىلىگى بار بالدىرعاندارعا ارنالعان مەرەكەلىك ءىس-شارالار ۇيىمداستىرادى. ەڭ باستىسى – مۇنىڭ ءبارى تەگىن اتقارىلادى. سەبەبى بۇل – ۆولونتەرلەردىڭ جۇرەك تاڭداۋى», دەدى ن.جەتپىسباەۆ.

كورمە 4 نەگىزگى بلوكقا ارنالعان. ياعني «ارىسپەن بىرگەمىز», 2019 جىلى ماۋسىمدا اسكەري بولىمدە ءورت سالدارىنان بىرنەشە جارىلىس بولدى. «ماقتاارالعا كومەك», 2020 جىلى مامىردا وزبەكستانداعى ساردوبا سۋ قويماسى بوگەتىنىڭ بۇزىلۋىنا بايلانىستى تۇركىستان وبلىسىنىڭ ماقتاارال اۋدانىنداعى بىرنەشە اۋىلدى سۋ باستى. سونداي-اق كوروناۆيرۋس پاندەمياسىنىڭ اۋىر كەزەڭىندە, ياعني 2020 جىلى جازدا كارانتين جاريالانعان كەزدە الەۋمەتتىك تۇرعىدا وسال وتباسىلارعا مەديتسينالىق ماسكالار مەن ازىق-ت ۇلىك جيىنتىقتارىن تاراتۋعا ارنالعان «Biz Birgemiz» اۋقىمدى اكتسياسى قولعا الىندى. وتكەن ايدا قوستاناي وبلىسىندا ءورت باستالعان كەزدە «قوستانايعا كومەك» اكتسياسى ءوتتى.

كورمە قوناعى, ستۋدەنت نارگيز الىبەكوۆانىڭ ايتۋىنشا, جاستاردىڭ مۇنداي قىزمەتى قاشان دا قۇرمەتكە لايىق.

«بۇعان دەيىن ۆولونتەرلەر تۋرالى جازبالاردى الەۋمەتتىك جەلىلەردەن وقىپ ءجۇردىم. ال بۇل كورمەگە دەگەن تاڭدانىسىم تىپتەن ەرەكشە. سەبەبى ەرىكتىلەردىڭ ەڭبەگىن جاڭا قىرىنان كوردىم. ءتىپتى بولاشاقتا ۆولونتەرلەر قاتارىنا قوسىلسام با دەگەن وي كەلدى», – دەدى ول.